Magistratura və rezidenturaya sənəd verənlərin sayı açıqlandı

Magistratura və rezidenturaya sənəd verənlərin sayı açıqlandı
29 2017 10:39

Azərbaycanda 2017-2018-ci tədris ili üçün magistratura və rezidenturayaya sənəd verənlərin sayı açıqlanıb.

REALPRESS.Az xəbər verir ki, Dövlət İmtahan Mərkəzindən Trend-ə verilən məlumata görə, Azərbaycanın ali təhsil müəssisələrinin və Azərbaycan Milli Elmlər Akademiyasının magistraturalarına və rezidenturaya sənəd qəbulu martın 10-dan başlamışdı və martın 17-də bitməli idi. Elektron ərizə qəbulu vaxtı ərizələrini doldurmuş, lakin təsdiq etməmiş namizədlərin sayının çox olması nəzərə alındığından, ərizələrin təsdiq edilməsi üçün müddət 28 mart saat 23:59-dək uzadılmışdı.

Həmin müddətdə magistraturaya qəbul imtahanlarında iştirak etmək üçün ərizələrini təsdiq etdirən bakalavrların sayı 13073 nəfər olub. Onların 11809 nəfəri Azərbaycan bölməsi, 1264 nəfəri rus bölməsi üzrə sənəd verib.

Rezidenturaya qəbul imtahanlarında iştirak etmək üçün ərizələrini təsdiq etdirən namizədlərin sayı 1075 nəfər olub. Onların 923 nəfəri Azərbaycan, 152 nəfəri rus bölməsi üzrə sənəd verib.

Magistraturaya qəbulun birinci mərhələsi aprelin 9-da keçiriləcək və bakalavrlara ümumi intellekt səviyyəsinin (məntiqi təfəkkürun) yoxlanılması üçün 50 (o cümlədən, açıq formalı 5), informatika üzrə 25 (o cümlədən, açıq formalı 5) və xarici dil üzrə 25 (o cümlədən, açıq formalı 5) test tapşırığı təqdim olunacaq.

İmtahanın ikinci mərhələsi iyunun 4-də keçiriləcək. Bu mərhələdə bakalavrların ixtisas üzrə bilikləri seçdikləri proqrama əsasən test üsulu ilə onlara 50 (o cümlədən, açıq formalı 5) test tapşırığı təqdim olunmaqla yoxlanılacaq.

Ali təhsil müəssisələrinin magistratura səviyyəsinə qəbul imtahanının 9 aprel tarixində keçiriləcək birinci mərhələsində 50 və daha çox bal toplayaraq müsabiqə şərtlərini ödəyən və imtahanın ikinci mərhələsinə buraxılan bütün bakalavrlar bitirdikləri bakalavr ixtisaslarından asılı olmayaraq, jurnalistika ixtisası üzrə magistratura ixtisaslaşmalarına qəbul olmaq üçün müraciət edə bilərlər.

Bəzi qəbul proqramlarını seçən bakalavrlar ixtisas üzrə test tapşırıqlarının əvəzinə, yazılı imtahan, xüsusi qabiliyyət tələb edən ixtisaslar üzrə ixtisas magistraturasına qəbul olmaq istəyən bakalavrlar isə qabiliyyət imtahanı verməlidirlər.

Rezidenturaya qəbulun I mərhələsi (baza fənləri) üzrə imtahan aprelin 9-da, 2-ci mərhələsi (ixtisas fənləri) üzrə iyulun 7-də keçiriləcək.


26 Fev 2024
Cəmiyyət

Azərbaycan və Ermənistan XİN rəhbərlərinin görüş yeri məlum olub

Azərbaycan və Ermənistan XİN rəhbərləri Almaniyanın paytaxtı Berlində görüşəcəklər.

26 Fev 2024
Cəmiyyət

Ötən həftə azad edilən ərazilərdə 139 mina aşkarlanıb

Azərbaycan Minatəmizləmə Agentliyi (ANAMA) işğaldan azad edilmiş ərazilərdə həyata keçirilən humanitar minatəmizləmə əməliyyatları ilə bağlı həftəlik məlumat yayıb.

26 Fev 2024
Cəmiyyət

Nazir: “Xocalı məktəbində son tamamlanma işləri aparılır” - VİDEO

“İşğaldan azad olunmuş Xocalıda inşa olunan məktəbdə son tamamlanma işləri aparılır”.

26 Fev 2024
Cəmiyyət

Emin Əmrullayev məktəblərdə baş verən hadisələrlə bağlı brifinq keçirəcək

“Azərbaycan məktəblərində baş verən bütün hadisələr araşdırılır”.

26 Fev 2024
Cəmiyyət

Günün valyuta məzənnələri - SİYAHI

Azərbaycan Mərkəzi Bankının bu günə olan rəsmi valyuta məzənnələri açıqlanıb.