Los Ancelesdə Qara Yanvar faciəsinin qurbanları anılıb

Los Ancelesdə Qara Yanvar faciəsinin qurbanları anılıb
20 2017 12:08

Azərbaycanın Los Ancelesdəki Baş Konsulluğunda Qara Yanvar faciəsinin ildönümü ilə əlaqədar geniş tədbir keçirilib.

Baş Konsulluqdan Trend-ə verilən məlumata görə, tədbir “Qəhrəmanlıq nümunələri: Cəsarət və şərəflə öz ölkənə xidmət etmək” devizi altında Los Ancelesdəki Azərbaycan icması ilə birgə təşkil olunub.

Qeyd edək ki, tədbir 20 Yanvar şəhidlərini ehtiramla anmaqla yanaşı, azərbaycanlıların tarixən yaşadıqları ölkələrdə göstərdikləri böyük fədakarlıqlara həsr olunub. Bu səpkidə, Kaliforniyada yaşamış və 2005-ci ildə İraqda qəhrəmancasına həlak olmuş ABŞ ordusunun Azərbaycan əsilli əsgəri Murad Rəhimov da tədbir iştirakçıları tərəfindən yad olunub və ona həsr olunmuş “Mənim kiçik qardaşım” sənədli filminin premyerası keçirilib.

Azərbaycanın Los Ancelesdəki baş konsulu Nəsimi Ağayev tədbiri açaraq, Qanlı Yanvar hadisələrinin Azərbaycan xalqının müstəqillik uğrunda apardığı şanlı mübarizə tarixindəki önəmindən bəhs edib. Diplomat qeyd edib ki, həmin hadisələr zamanı sovet qoşunları tərəfindən böyük sayda günahsız insan amansızcasına qətlə yetirilib. Baş konsul Ümummilli Lider Heydər Əliyevin faciədən dərhal sonra Moskvadakı Azərbaycan nümayəndəliyinə getdiyini, burada qətliamı kəskin şəkildə pislədiyini, bu çıxışın Azərbaycan xalqının azadlıq uğrunda mübarizəsini daha da alovlandırdığını bildirib. SSRİ rəhbəri Mixail Qorbaçovun Azərbaycan xalqına qarşı cinayətlərindən danışan baş konsul, Qara Yanvar faicəsindən 9 ay sonra M.Qorbaçova Nobel Sülh Mükafatının verilməsinin böyük bir ədalətsizlik olduğunu diqqətə çatdırıb.

N.Ağayev, həmçinin Azərbaycanın üzləşdiyi faciələrin Qara Yanvar ilə bitmədiyini qeyd edərək, Ermənistanın ölkəmizə qarşı həyata keçirdiyi işğalçılıq və etnik təmizləmə siyasətindən bəhs edib. Baş konsul qeyd edib ki, bütün bu faciələr və çətnliklər Azərbaycanı öz müstəqillik yolundan döndərə bilməyib. O bildirib ki, Ümummilli Liderin hakimiyyətə qayıdışından sonra əsası qoyulmuş inkişaf və dirçəliş siyasətinin Prezident İlham Əliyev tərəfindən uğurla davam etdirilməsi nəticəsində bu gün Azərbaycan sabitlik və inkişaf adasına çevrilib.

Sonra baş konsul azərbaycanlıların sadəcə öz doğma vətənlərində deyil, yaşadıqları müxtəlif ölkələrdə də öz cəsarət və rəşadətləri ilə seçildiklərini, daim xeyirxah və fədakar vətəndaş nümunəsi göstərdiklərini qeyd edib. Diplomat bu baxımdan Azərbaycan əsilli amerikalı hərbçi Murad Rəhimovun da məhz bu gün, Qara Yanvar faciəsi zamanı həlak olmuş doğma soydaşları ilə birgə yad olunmasının əlamətdar olduğunu bildirib.

Daha sonra söz Los Ancelesdə yaşayan Azərbaycan icmasının fəallarından Kimiya Məmmədovaya verilib. İcma fəalı qeyd edib ki, Azərbaycan mənşəli amerikalılar öz tarixi vətənləri olan Azərbaycanı daim qəlblərində yaşatmaqla yanaşı, ABŞ vətəndaşı kimi buradakı öhdədliklərini də daim böyük həssaslıq və fədakarlıqla yerinə yetirirlər. O, M.Rəhimovun belə nümunəvi vətəndaşlardan olduğunu bildirərək, onun qəhrəmanlığına ABŞ ictimaiyyətinin dərin rəğbət göstərdiyini qeyd edib.

M.Rəhimovun ailə üzvlərinin də iştirak etdiyi tədbir Qara Yanvar faciəsinə dair Baş Konsulluğun hazırladığı sənədli filmin və M.Rəhimova həsr olunmuş “Mənim kiçik qardaşım” sənədli filminin nümayişi ilə davam edib. Filmlərdən sonra Azərbaycan icmasının fəallarından musiqiçi Vahid Bayatın tarda milli muğamlarımızdan səsləndirdiyi nümunələr və gənc müğənni Cəmil Məmmədlinin ifa etdiyi həzin mahnılar tədbir iştirakçıları tərəfindən rəğbətlə qarşılanıb.

Sonda təbdir iştirakçıları 20 Yanvar faciəsinə həsr olunmuş fotosərgi ilə tanış olublar.


22 Sent 2020
Siyasət

İlham Əliyev və Mehriban Əliyeva ölkəmizə gətirilən təcili tibbi yardım avtomobilləri ilə tanış olublar

Sentyabrın 22-də Azərbaycan Respublikasının Prezidenti İlham Əliyev və Birinci vitse-prezident Mehriban Əliyeva İcbari Tibbi Sığorta üzrə Dövlət Agentliyi tərəfindən ölkəmizə yeni gətirilən təcili tibbi yardım avtomobilləri ilə tanış olublar.

22 Sent 2020
Siyasət

İlham Əliyev Səudiyyə Ərəbistanı kralına məktub göndərdi

Azərbaycan Prezidenti İlham Əliyev Səudiyyə Ərəbistanının milli bayramı – Krallıq elan edilməsi günü münasibətilə İki Müqəddəs Ocağın Xadimi, Kral Salman bin Əbdüləziz Al Səuda təbrik məktubu göndərib.

22 Sent 2020
Siyasət

İlham Əliyev yol tikintisinə 8,3 milyon manat ayırdı - SƏRƏNCAM

Prezident İlham Əliyev Bakı şəhərinin Sabunçu rayonu ərazisində avtomobil yollarının yenidən qurulması işlərinin davam etdirilməsi ilə bağlı əlavə tədbirlər haqqında sərəncam imzalayıb. 

22 Sent 2020
Siyasət

Kamaləddin Qafarov: Qarabağa qayıdış uzaqda deyil...

“Azərbaycanın müstəqillik tarixində qazandığı uğurlara diqqəti yönəldərək bildiririk ki, bu gün Azərbaycan nefti tam şəkildə Azərbaycan xalqının maraqlarına xidmət edir. İndi Azərbaycan bütün reytinqlərdə ən qabaqcıl yerlərdədir. Ölkəmizdə aparılan infrastruktur siyasəti, infrastruktur layihələrinin icrası nümunə göstərilir.”

22 Sent 2020
Siyasət

İlham Əliyev: Təxribatlar Ermənistanın Azərbaycana qarşı yeni təcavüzə hazırlaşdığını göstərir

“Təcavüzkar ritorika və təxribatlar Ermənistanın Azərbaycana qarşı yeni təcavüzə hazırlaşdığını nümayiş etdirir. Biz BMT-ni və beynəlxalq ictimaiyyəti Ermənistanın növbəti hərbi təcavüzdən çəkindirilməsinə dəvət edirik”.