Lerikdə Ulu Öndərin anım gününə həsr olunmuş elmi-praktik konfrans keçirilib

Lerikdə Ulu Öndərin anım gününə həsr olunmuş elmi-praktik konfrans keçirilib
13 Dek 2016 08:57

Lerik şəhərindəki Heydər Əliyev Mərkəzində Ulu Öndərin vəfatının 13-cü ildönümü ilə əlaqədar elmi-praktik konfrans keçirilib.

AZƏRTAC xəbər verir ki, tədbir iştirakçıları əvvəlcə ümummilli lider Heydər Əliyevin abidəsi önünə gül dəstələri düzərək xatirəsini ehtiramla yad ediblər, sonra böyük rəhbərin adını daşıyan mərkəzdə onun siyasi fəaliyyətini və ömür yolunu əks etdirən eksponat və fotoşəkillərlə tanış olub, “Tarixin Heydər Əliyev zirvəsi” adlı qısametrajlı sənədli filmə baxıblar.

Tədbirdə çıxış edən Lerik Rayon İcra Hakimiyyətinin başçsı Rövşən Bağırov Ümummilli Liderin keçdiyi şərəfli həyat yolundan, qurucusu və memarı olduğu müstəqil dövlətimizin iqtisadi cəhətdən gücləndirilməsi istiqamətindəki fəaliyyətindən danışıb.

Heydər Əliyev dühası nəticəsində qazanılan dövlət müstəqilliyimizin Azərbaycanın tarixində ən böyük nailiyyət olduğu vurğulanıb, böyük rəhbərin dövlətçiliyimiz naminə gördüyü işlər xatırlanıb.

Qeyd olunub ki, azərbaycançılıq məfkurəsini dövlətçilik ideologiyasına çevirən Ulu Öndərin əbədiyyətə qovuşmasından 13 il ötsə də, onun ideyaları Prezident İlham Əliyev tərəfindən uğurla həyata keçirilir. Dünyada müharibələrin və iqtisadi böhranın davam etdiyi bir vaxtda Azərbaycanda sabitlik hökm sürür, dövlətimiz gündən-günə inkişaf edir.

Konfransda Yeni Azərbaycan Partiyası Lerik rayon təşkilatının sədri Elxan Qənbərovun “Heydər Əliyev Yeni Azərbaycan Partiyasının qurucusudur”, təhsil şöbəsinin müdiri Balaşirin Nəsirovun “Heydər Əliyev və Azərbaycan təhsili”, Heydər Əliyev Mərkəzinin direktoru Hüsaməddin Abbasovun “Heydər Əliyev Azərbaycan mədəniyyətinin inkişafında”, Lerik şəhər 2 nömrəli tam orta məktəbin müəllimi Mehriban Xanəliyevanın “Heydər Əliyev və Azərbaycanda qadın siyasəti” mövzularında məruzələri dinlənilib.

Rayon ağsaqqalı Əliənnağı Əliyev Ulu Öndərin həyatı, dövlətçilik tariximizdə mühüm əhəmiyyət kəsb edən 34 illik siyasi fəaliyyəti barədə danışıb. Bildirib ki, xalqımızın ən ağır vaxtında məsuliyyəti öz üzərinə götürərək siyasi hakimiyyətə qayıdan dahi şəxsiyyət Heydər Əliyev öz uzaqgörən siyasəti ilə Azərbaycanı inkişaf yoluna çıxarıb, dövlətçiliyimizi məhv olmaqdan xilas edib. Ulu Öndər məhz bu xeyirxah əməllərinə görə xalqın ürəyində əbədi ölməzlik zirvəsinə ucalıb.


28 Mar 2024
Siyasət

CAR prezidenti İlham Əliyevi təbrik etdi

Cənubi Afrika Respublikasının (CAR) Prezidenti Matamela Siril Ramafoza Azərbaycan Respublikasının Prezidenti İlham Əliyevi təbrik edib. 

28 Mar 2024
Siyasət

Azərbaycandakı valyuta hərraclarındakı satış 2 dəfəyə yaxın artıb

Bu ilin yanvar-mart aylarında Azərbaycan Mərkəzi Bankının (AMB) Dövlət Neft Fondu (ARDNF) ilə birlikdə keçirdiyi valyuta hərraclarında 1 milyard 835,8 milyon ABŞ dolları məbləğində satış olub.

28 Mar 2024
Siyasət

Azərbaycan Kuboku: “Sərhədçi” sonuncu yarımfinalçı oldu - FOTO

“Sərhədçi” İdman Mərkəzində basketbol üzrə Azərbaycan Kubokunun B qrupunda son iki oyun keçirilib.

27 Mar 2024
Siyasət

Bakıda 18 dərəcə isti, dağlarda 7 dərəcə şaxta olacaq - Sabahın HAVA PROQNOZU

Martın 28-də Azərbaycan ərazisində gözlənilən hava şəraiti ilə bağlı proqnoz açıqlanıb.

27 Mar 2024
Siyasət

Növbəti köç karvanı Füzuliyə çatıb - YENİLƏNİB + FOTO/VİDEO

Bakının Qaradağ rayonunun Lökbatan qəsəbəsində məcburi köçkünlər üçün salınmış “Qobu Park-3” yaşayış kompleksində 134 nəfərdən ibarət növbəti köç karvanı Füzuliyə çatıb.