Küləkli hava şəraiti ilə bağlı Xəzər dənizindəki platformalarda təhlükəsizlik tədbirləri gücləndirilib.
REALPRESS.Az Lent.az-a istinadən xəbər verir ki, dalğaların hündürlüyünün artması səbəbindən dənizdə gəmilərin hərəkəti məhdudlaşdırılıb. Neftçiləri isə yalnız helikopterlər vasitəsi ilə platformalara daşımaq mümkündür.
SOCAR-ın mətbuat xidmətindən Lent.az-a bildirilib ki, adi günlərdə dənizdəki platformalara maksimum 5 helikopter uçuşu nəzərdə tutulsa da, bu gün 3 uçuş planlaşdırılır:
“Helikopter xidmətini göstərən şirkət icazə verildiyi halda dənizə uçuşların mümkün olduğunu bildirib və bu günə 3 reys planlaşdırılıb.
Reyslərdən ikisi günortaya kimi, digəri isə günortadan sonra baş tutacaq və neftçilərimizin növbə dəyişməsini həyata keçirəcək. Bununla belə, neft platformalarında bütün təhlükəsizlik tədbirləri yerinə yetirilir”.
Qeyd edək ki, hüquq müdafiəçisi Mirvari Qəhrəmanlı neftçilərin adi günlərdə olduğu kimi Zabrat hava limanına çağırıldığını, uçuş olmasa da, burada gözləməli olduqlarını deyib.
Bu gün Azərbaycanda Novruz bayramının dörd çərşənbəsindən sonuncusu - Torpaq çərşənbəsidir.
Azərbaycan ərazisində martın 19-na gözlənilən hava şəraiti haqqında proqnoz açıqlanıb.
Azərbaycan Prezidenti İlham Əliyev və birinci xanım Mehriban Əliyeva martın 18-də Ağdərə rayonunun Suqovuşan kəndində məscidin açılışında iştirak ediblər.
