Portuqaliyalı futbolçu Kriştiano Ronaldonun adı doğulduğu Madeyra adasındakı beynəlxalq aeroporta verilib.
AZƏRTAC xəbər verir ki, bununla əlaqədar keçirilən mərasimdə Portuqaliya Prezidenti Marselo Rebelo de Sousa, Baş nazir Antonio Kosta, Madeyra muxtar bölgəsinin rəhbəri Migel Albukerke və Portuqaliya Futbol Federasiyasının prezidenti Fernando Qomeş iştirak ediblər.
Portuqaliya Prezidenti çıxışında 32 yaşlı şəxsin adının hava limanına verilməsinin riskli, amma cəsur addım olduğunu vurğulayaraq deyib: “Ronaldo dünyada əcnəbilərin və milyonlarla portuqaliyalının sevdiyi futbolçudur. O, dünyanın ən yaxşı futbolçusu, Portuqaliya millisinin kapitanı kimi mükəmməllik nümunəsidir. Bu, bizi çox qürurlandırır. Madeyranın və Portuqaliyanın ona inamı tamdır”.
Ronaldo Madeyra adasındakı Funçal bölgəsində doğulub. O, yeganə gəlir mənbəyi turizm olan bu bölgənin inkişafına fəal dəstək verir. Adada beşulduzlu oteli və şəxsi uğurlarının nümayiş etdirildiyi muzeyi olan ulduz futbolçu ötən il Madeyrada baş verən yanğından sonra bölgəyə xeyli məbləğdə yardım göstərmişdi.
Azərbaycan Şahmat Federasiyasının (AŞF) İcraiyyə Komitəsinin iclası keçirilib.
Monteneqronun paytaxtı Podqoritsada keçirilən cüdo üzrə Avropa çempionatında Azərbaycan yığması uğurlu çıxışını davam etdirir.
Avropa Voleybol Konfederasiyasının (CEV) prezidenti Roko Sikiriç, Azərbaycan Voleybol Federasiyasının (AVF) vitse-prezidenti Bəhruz Quliyev, AVF-nin baş katibi Faiq Orucov, AVF prezidentinin müşaviri Cəlil Cəfərov, gənc qızlardan, həmçinin oğlanlardan ibarət millilərin oyunçuları və məşqçiləri ilə görüşüblər.
