Kanadalı istehsalçılar bükülən “3D” smartfon prototipini yaratmağa müvəffəq olublar ki, bu da virtual reallığı ovucun içində hiss etməyə imkan verir.
AZƏRTAC “dni24.com” saytına istinadən xəbər verir ki, “HoloFlex” adlandırılan yeni smartfon prototipi Kinqstonda yerləşən “Human Media Lab” laboratoriyasında hazırlanıb. “HoloFlex” tərəfindən göstərilən təsvirlər dərinliyə malik olduğundan adi şəkil üçölçülü kimi görünür. Həmin effektin reallaşması üçün eynək tələb olunmur, bütün bu optik möcüzə “OLED” ekranda baş verir.
Təsvirin ekranda göstərilməsi “3D” printerdə çap edilmiş əyriliyə malik mikrolinzalar massivi vasitəsilə həyata keçirilir. İstifadəçi ekranı, sadəcə, bükməklə təsvirin dərinliyini istədiyi kimi tənzimləyə bilər. Bundan başqa, ekranda göstərilən obyektləri yaxınlaşdırmaq olar və hətta onları redaktə etmək mümkündür. Məşhur “Angry Birds” oyununu ekranı bükməklə idarə etmək mümkündür.
Hələ ki kütləvi istehsal barədə məlumat yoxdur, amma yenilik “3D” sahəsində böyük perspektivlər açır.
Türkiyənin Elazığ şəhərinin Sivriçe rayonunda 4,4 maqnitudada zəlzələ baş verib.
İsrailin Livanın şimalındakı Eyto yaşayış məntəqəsində yaşayış binasına endirdiyi hava zərbəsi nəticəsində ən azı 18 nəfər həlak olub.
İran Prezidenti Məsud Pezeşkian Tehranda səfərdə olan Azərbaycan Baş nazirinin müavini Şahin Mustafayevi qəbul edib.
