JerusalemOnline: Dağlıq Qarabağ münaqişəsi Avropada ən təhlükəli həll olunmamış münaqişədir

JerusalemOnline: Dağlıq Qarabağ münaqişəsi Avropada ən təhlükəli həll olunmamış münaqişədir
30 2017 14:53

Ermənistan-Azərbaycan, Dağlıq Qarabağ münaqişəsinin bütün Yaxın Şərqdə regional təhlükəsizliyə təhdid törətməsinə baxmayaraq, ona dünya ictimaiyyəti tərəfindən çox az diqqət ayrılır.

Trend-in məlumatına görə, bu barədə Raşel Avrahamın “JerusalemOnline” nəşrində dərc olunan məqaləsində yazılıb.

Məqalədə qeyd olunur ki, Ermənistan qanunsuz olaraq Azərbaycanın beşdə bir hissəsini işğal edib və aparılan etnik təmizləmələr nəticəsində hər doqquz azərbaycanlıdan biri ya qaçqın, ya da məcbur köçkün həyatı yaşayır.

Müəllifin sözlərinə görə, BMT Təhlükəsizlik Şurasının çoxsaylı qətnamələri qoşunların çıxarılmasını tələb etsə də, bir çox hökumətlər bu qətnamələrin icrasının dəstəklənməsi üçün heç bir addım atmayıb. "Qeyd etmək lazımdır ki, Dağlıq Qarabağ münaqişəsi Avropada ən təhlükəli həll olunmamış münaqişə olmaqla bərabər, tammiqyaslı toqquşmaya çevrilə bilər".

Yaranan vəziyyətin ədalətsizliyi barədə “Jerusalem Post”a müsahibəsində ABŞ-ın Azərbaycandakı səfiri Elin Süleymanov bildirib ki, Azərbaycan torpaqlarının ermənilər tərəfindən işğalı nəticəsində azərbaycanlı qaçqın və məcbur köçkünlər öz doğma yurd-yuvalarından getməyə və həyatlarını yenidən qurmağa məcbur olublar.

Səfirin sözlərinə görə, Azərbaycan qaçqınların repatriasiyası üçün səylər göstərməkdə davam edir.


3 Fev 2023
Siyasət

Rumıniyalı naziri: “Azərbaycan etibarlı tərəfdaş olduğunu sübuta yetirib”

“Cənub Qaz Dəhlizi özünün strateji əhəmiyyətini doğrultdu və Azərbaycan qazı Avropaya çatdırıldı”.

3 Fev 2023
Siyasət

Prezident: “Məşvərət Şurasının iclasında ilk olaraq konseptual məsələlər həll edilməlidir”

“Məşvərət Şurasının iclasında ilk olaraq konseptual məsələlər həll edilməlidir: öz fəaliyyətimizi necə quracağıq, hər bir ölkənin öhdəlikləri necə olacaq, özəl şirkətlər bura necə qoşula bilər.

3 Fev 2023
Siyasət

Prezident: “Təbii qaz ehtiyatlarımız bizim və tərəfdaşlarımız üçün ən azı yüz il kifayət edəcək”

“Təbii qaz ehtiyatlarımız bizim və tərəfdaşlarımız üçün ən azı yüz il kifayət edəcək”.