İtaliyanın informasiya texnologiyaları üzrə mütəxəssisi Milli Kitabxanada olub

İtaliyanın informasiya texnologiyaları üzrə mütəxəssisi Milli Kitabxanada olub
25 2017 14:56

Yanvarın 25-də İtaliyanın Florensiya əyaləti hökumətinin informasiya texnologiyaları üzrə meneceri Jurgen Assfalg M.F.Axundzadə adına Azərbaycan Milli Kitabxanasında olub.

Kitabxanadan AZƏRTAC-a bildirilib ki, görüş Azərbaycan və İtaliyanın Mədəniyyət və Turizm nazirliklərinin birgə “Al Tvininq mədəniyyət sektorunun siyasəti və idarə olunması sisteminin modernləşdirilməsində Azərbaycan Respublikasının Mədəniyyət və Turizm Nazirliyinə dəstək” layihəsi çərçivəsində reallaşıb.

İtaliyalı qonaq mədəniyyət sektorunda rəqəmsallaşmanın vəziyyəti və bu sahədə həyata keçirilən işlərlə maraqlanıb.

Azərbaycan Milli Kitabxanasının direktoru Kərim Tahirov kitabxananın 2000-ci ildə “Virtua” avtomatlaşdırılmış sistemə qoşulması, elektron kitabxana və kataloq, virtual biblioqrafik xidmət imkanları haqqında məlumat verib.

Mədəniyyət və Turizm Nazirliyi ilə Milli Kitabxananın birgə layihəsi əsasında ULTRA şirkəti tərəfindən 2010-cu ildə tərtib olunmuş ALISA proqramından danışan direktor, proqramın artıq iki ildir Bakı şəhər kitabxanalarında və 30 rayon mərkəzləşdirilmiş kitabxana sistemlərində tətbiq edildiyini, cari ilin sonunadək bütün rayon kitabxanalarında işləyəcəyini, ALISA-nın kitabxanalara tətbiqindən öncə kadrların Milli Kitabxanada treninq keçdiklərini diqqətə çatdırıb.

Proqramın imkanları ilə maraqlanan J.Assfalga ALISA-nın dünya standartlarına cavab verən proqramlar əsasında yazılması, “Virtua” ilə sinxronlaşdırılması, kitabxanalarda əvvəllər olan IRBIS proqramında yazılmış bütün bazaların ALISA-ya inteqrasiya olunması barədə məlumat verilib.

Milli Kitabxananın “Açıq kitabxana” layihəsini yüksək qiymətləndirən qonaq rəy və təkliflər kitabına ürək sözlərini yazıb.


9 Sent 2020
Mədəniyyət

“Oskar” mükafatını qazanmaq üçün yeni kriteriyalar açıqlandı

Amerika Film Akademiyası “Ən Yaxşı Film” nominasiyasında “Oskar” mükafatını almaq üçün kriteriyaların siyahısını təqdim edib.

3 Avq 2020
Mədəniyyət

Arif Məlikovun əsəri ABŞ-dakı festivalda səsləndi

Bu günlərdə Los-Ancelesdə keçirilən Yay onlayn-festivalının proqramında Azərbaycan violonçel ifaçısı Ruslan Biryukov və pianoçu Frank Fettanın ifasında L.Bethoven, F.Şopen, N.Paqanini, C.Gerşvin, S.Raxmaninov və digər bəstəkarların əsərləri ilə yanaşı Azərbaycanın görkəmli bəstəkarı Arif Məlikovun dünya şöhrətli “Məhəbbət əfsanəsi” baletindən “Noktürn” əsəri səslənib.

22 İyul 2020
Mədəniyyət

Anar Kərimov kollektivə təqdim edildi

Prezident İlham Əliyevin iyulun 20-də imzaladığı sərəncama əsasən, Anar Qabil oğlu Kərimov Mədəniyyət nazirinin birinci müavini təyin edilib.