İtaliyan otelində qar uçqununun 24-cü qurbanının cəsədi aşkarlanıb

İtaliyan otelində qar uçqununun 24-cü qurbanının cəsədi aşkarlanıb
25 2017 16:55

Xilasedicilər İtaliyanın mərkəzində qar uçqunu altında qalan “Rigopiano” otelinin dağıntıları altından 24-cü qurbanın cəsədinı çıxarıb.

AZƏRTAC xarici KİV-lərə istinadla xəbər verir ki, baş verən hadisə nəticəsində itkin düşmüş sayılan 5 nəfərin axtarışı davam edir. Qar uçqunundan xeyli vaxt keçdiyi üçün onların sağ tapılmasına ümidlər demək olar ki, qalmayıb.

Xatırladaq ki, fövqəladə hadisə yanvarın 18-də, İtaliyanın Abrusso vilayətinin Farindola şəhərciyi yaxınlığındakı Qran-Sasso dağ massivində baş verib. Çox güman ki, həmin gün Mərkəzi İtaliyada baş verən güclü zəlzələnin səbəb olduğu qar uçqunu “Rigopiano” otelini dağıdıb. Dördmərtəbəli binanın üzərinə 200 min kubmetr qar kütləsi tökülüb. Hadisə zamanı oteldə qalan 40 nəfərin yalnız 11-ni xilas etmək mümkün olub.

İtaliyanın baş naziri Paolo Centiloni bu gün ölkə parlamentində çıxışı zamanı axtarış-xilasetmə əməliyyatına 200-dək xilasedicinin və bütün mümkün vasitələrin cəlb edildiyini bildirib.


21 Fev 2024
Dünya

Rusiya ordusu Avdeyevkanın son görüntülərini yaydı - VİDEO

Fevralın 17-də Rusiya Silahlı Qüvvələri Ukraynanın Donetsk vilayətinin Avdeyevka şəhərinin son görüntülərini yayıb.

21 Fev 2024
Dünya

Çeçenistandakı universitetə Putinin adı verildi - FOTO

Çeçenistandakı Rusiya Xüsusi Təyinatlı Qüvvələri Universiteti ölkə Prezidenti Vladimir Putinin adını daşıyacaq.