İsveçin Linçopinq Universitetinin alimi Ksavye Krispinin rəhbərlik etdiyi fiziklər qrupu istilik enerjisi ilə işləyən ilk tranzistor yaradıb.
AZƏRTAC “RİA Novosti” agentliyinə istinadla xəbər verir ki, yeni cihazda informasiya daşıyıcısı funksiyasını elektrik siqnalı deyil, istilik axınları yerinə yetirir.
K.Krispin bildirib ki, ötən il onun komandası tərəfindən son dərəcə maraqlı termoelektrik xüsusiyyətlərə malik qeyri-adi üzvi polimer kəşf edilib. Polimerin mənfi enerji ilə yüklənmiş zəncirləri temperatur dəyişikliyinə çox zəif reaksiya verir. Nəticədə onun şaxtaya və istiliyə güclü reaksiya verən, müsbət ionlarla doldurulmuş qarışığı termokondensatora çevrilir.
Alimlər bu maddələr kombinasiyasını kəşf etməklə onun informasiya daşıyıcısı qismində istilikdən istifadə edən daha mürəkkəb qurğuların yaradılmasında tətbiqi məsələsini öyrəniblər. Hibrid elektron-istilik tranzistorunun yaradılması bu səylərin nəticəsi olub.
Diqqətə çatdırılıb ki, alimlər tərəfindən hazırlanmış polimer istiliyə qarşı çox həssasdır. Bu isə istiliyə əsaslanan tranzistorların tibbi cihazlar, infraqırmızı kameralar üçün “ağıllı piksellər” qismində tətbiqinə imkan verir.
Günəşdəki güclü partlayışlar Yerdə gözlənilməz maqnit qasırğasına səbəb olub.
Avstraliya və Çilidən olan bir qrup elm adamı Çilidəki Atakama səhrasında teleskopların köməyilə apardıqları müşahidələr nəticəsində "J0529-4351" adlı son dərəcə parlaq və kütləvi kvazar ( Kvazi ulduzlar və ya kvazarlar-müşahidə olunan kainatın ən parlaq obyektləridir ) haqqında təəccüblü təfərrüat aşkarlayıblar.
Günəşdə ən yüksək “X” sinfinə aid partlayış baş verib.
