İşə qəbul olmaq istəyən metodistlər sabah imtahan verəcəklər

İşə qəbul olmaq istəyən metodistlər sabah imtahan verəcəklər
13 2017 10:00

Sabah Bakı Şəhəri üzrə Təhsil İdarəsinin nəzdində yaradılan Təlimə Dəstək Mərkəzinə (TDM) işə qəbul müsabiqəsinin imtahan mərhələsi keçiriləcək.

İdarədən Trend-ə verilən məlumata görə, imtahanda TDM-də metodist (mentor) kimi çalışmaq arzusunda olan 175 nəfərin iştirakı nəzərdə tutulub.

İmtahan elektron formada aparılacaq. Suallar təhsil qanunvericiliyi və ixtisasla bağlı mövzuları əhatə edəcək. Daha sonra imtahan iştirakçıları təqdim olunmuş mövzulardan birini seçərək esse yazacaqlar. İmtahandan müəyyən edilmiş balı toplayan şəxslər müsahibə mərhələsinə buraxılacaq.

Qeyd edək ki, Təlimə Dəstək Mərkəzində metodist (mentor) kimi çalışmaq arzusunda olanlar üçün sənəd qəbulu 2-28 dekabr 2016-cı il tarixlərində keçirilib.

Təlimə Dəstək Mərkəzinin yaradılmasında məqsəd ümumi təhsil müəssisələrində pedaqoji prosesin sistemli idarə olunmasının dəstəklənməsi, yeni yanaşmaların məktəblərdə çevik tətbiqinin təmin edilməsi, məktəbdaxili və məktəblərarası öyrədici mühitin zənginləşdirilməsi, təlimin keyfiyyətinin artırılması və fənn metodbirləşmələrinin fəaliyyətinin düzgün istiqamətləndirilməsindən ibarətdir.

Təlimə Dəstək Mərkəzi BŞTİ-nin tabeliyində olan ümumi təhsil müəssisələrinə müasir təhsil proqramlarının tələblərinə əsaslanan metodist (mentor) dəstəyi verəcək və məktəblərdə keyfiyyətin təmin edilməsinə nail olmaq üçün müvafiq istiqamətlər üzrə metodiki yardım göstərəcək.

Mərkəzdə Təlimin təşkili və idarəetmə, Tədrisin idarə olunması, Təhsilalanlarla işin təşkili və idarə olunması, Fənn kurikulumlarının tətbiqinə nəzarət, E-resurs bölmələri fəaliyyət göstərəcək.


16 May 2021
Cəmiyyət

Təlimlərə cəlb edilən qoşunlar əməliyyat təyinatı rayonlarına çıxarılır - VİDEO

Təlimlərin planına əsasən həyəcan siqnalı ilə qaldırılan qoşunlar, komanda idarəetmə məntəqələri, döyüş və ehtiyat hərbi hissələri əməliyyat təyinatı rayonlarına çıxarılır.

16 May 2021
Cəmiyyət

12 nəfərin əlilliyi ləğv edildi - FOTO

Növbəti əyani müayinədə daha 12 nəfərin diaqnozunun və sağlamlıq durumunun əlilliyə əsas vermədiyi müəyyən edildi.

16 May 2021
Cəmiyyət

Sosial ödənişlərə nə qədər vəsait xərclənib? - RƏSMİ + FOTO

Yanvar-aprel aylarında pensiya, müavinət, təqaüd, ünvanlı sosial yardım üzrə əhaliyə ötən ilin eyni dövrünə nisbətən 6 faiz və ya 113,9 milyon manat çox olmaqla 2 milyard 25 milyon manat vəsait ödənilib

16 May 2021
Cəmiyyət

Sərhəddə atışma zamanı şəhid olan kiçik gizirimiz dəfn edildi - YENİLƏNİB + FOTO

Dövlət Sərhəd Xidmətinin (DSX) İran-Azərbaycan sərhədində atışma nəticəsində şəhid olan kiçik giziri Alimov Fərid Elçin oğlu dəfn edilib. 

16 May 2021
Cəmiyyət

Sərhəddə atışma zamanı həlak olan digər şəhidimizlə vida mərasimi keçirilir - FOTO

Dövlət Sərhəd Xidmətinin (DSX) İran-Azərbaycan sərhədində atışma nəticəsində şəhid olan kiçik giziri Alimov Fərid Elçin oğlu ilə vida mərasimi keçirilir.