İrlandiyalı alimlər onkoloji xəstəliklər zamanı şüa terapiyasının səmərəsinin artırılması metodikasını işləyib hazırlayıblar. AZƏRTAC TASS agentliyinə istinadla bildirib ki, bu barədə material “Oncotarget” beynəlxalq jurnalında dərc edilib.
İrlandiyanın ən qədim universiteti olan Dublin Triniti-Kollecin (TCD) tibb fakültəsinin mütəxəssisləri xəstələrin qida borusunda xərçəng gövdə hüceyrələrini aşkar etmək və onları təcrid etmək yollarını öyrəniblər. Bu hüceyrələr bədxassəli şişlərin sürətlə yayılmasına və bütün orqanizmdə metastaza səbəb olur.
Tədqiqat hələ erkən mərhələdə olsa da, TCD-nin mütəxəssisləri hesab edirlər ki, bu araşdırma ən təhlükəli xərçəng hüceyrələrini aşkar edib onlara nöqtəvi şəkildə radioaktiv hissəciklərlə təsir göstərərək terapiyanın səmərəsini əhəmiyyətli dərəcədə artıra bilər. Bu fərziyyə siçanlar üzərində aparılmış təcrübələrdə təsdiqlənib. Belə aqressiv hissəciklər kəsilib götürüldükdə şişin yayılması dayanır və həkimlər xəstəliyin öhdəsindən xeyli asanlıqla gələ bilir.
Həkimlər xəbərdarlıq edirlər ki, bu xəstəlik ilk mərhələlərdə demək olar ki, hiss edilmir və pasiyentlərin əksəriyyəti heç ağlına da gətirmir ki, onların orqanizmində təhlükəli xəstəlik inkişaf etməyə başlayıb.
Bu gün Azərbaycan Dövlət Su Ehtiyatları Agentliyinin sədri Zaur Mikayılov Zaqatala Suvarma Sistemləri İdarəsinin inzibati binasında Zaqatal, Balakənvə digər rayonlardan olan vətəndaşları qəbul edib, onların müraciətlərini dinləyib, ərizə və şikayətlərinə baxıb.
Azərbaycan Respublikasının xarici işlər naziri Ceyhun Bayramov Fələstin Dövlətinin Baş naziri, eləcə də xarici işlər və xaricdə yaşayan fələstinlilər üzrə naziri Məhəmməd Mustafa ilə telefon danışığı aparıb.
Bakıda və Abşeron yarımadasında hava şəraitinin dəyişkən buludlu olacağı, əsasən yağmursuz keçəcəyi gözlənilir. Mülayim şimal-qərb küləyi əsəcək.
Müdafiə naziri general-polkovnik Zakir Həsənovun təsdiq etdiyi cari ilin hazırlıq planına əsasən, Hərbi Dəniz Qüvvələrinin (HDQ) Hərbi Hava Qüvvələri (HHQ) ilə birgə “Xəzər səması-2024” hava hücumundan müdafiənin təşkili mövzusunda taktiki təlimi keçirilib.
