İngiltərə Bankı 5 funtluq əsginaslarda heyvan mənşəli piylərin istifadəsi ilə bağlı tənqidlərdən sonra yeni pullarda palma yağından istifadə etməyi nəzərdən keçirir.
AZƏRTAC "bbc.com"a istinadla xəbər verir ki, dəyəri 20 funt olan yeni əsginas 2020-ci ildə dövriyyəyə daxil olmalıdır. Lakin onun hazırlanması pulun tərkibindəki maddələrə nəzarəti gücləndirmək üçün təxirə salınıb.
Yeni 5 funtluq əsginas buraxılarkən onun hazırlanması üçün heyvan mənşəli piylərin istifadəsi barədə ictimaiyyətə məlumat verilməmişdi. Britaniya əhalisinin əhəmiyyətli hissəsini hindu dini icmaları təşkil edir. Onların inanclarına görə, mal əti yemək, bəzi hallarda isə ona toxunmaq da qadağandır. Dini icmalarla yanaşı, heyvan piylərinin istifadəsi vegetarianların tənqidinə də tuş gəlib.
Qeyd edək ki, dəyəri 20 min olan 5 funtluq əsginasın yığışdırılmasına səsləyən petisiya 100 mindən artıq adamın dəstəyini qazanıb. İngiltərə Bankı "məsələyə tam ciddi" yanaşdığını bildirsə də, çağırışı rədd edib.
Palma yağının istifadəsi də ekoloqların etirazına səbəb ola bilər. Belə ki, palmaları əkmək üçün təbii meşəliklərin kəsilməsi halları tənqidlə qarşılanır. Hərçənd ki, qərar qəbul olunarsa, bank təmiz mənbələrdən istifadə edəcəyini bildirir.
Azərbaycan Mərkəzi Bankının bu günə olan rəsmi valyuta məzənnələri açıqlanıb.
Çinin 127 milyon əhalisi olan Quandun əyalətindəki daşqın son 100 ilin ən böyük ikinci təbii fəlakəti hesab olunub.
