Yanvarın 25-də Azərbaycanın Çexiyadakı səfiri Fərid Şəfiyevin sədrliyi ilə İslam Əməkdaşlıq Təşkilatına (İƏT) üzv ölkələrin bu il Çexiyada akkreditə olunmuş səfirlərinin Praqa qrupunun görüşü keçirilib.
Bu barədə səfirlikdən AZƏRTAC-a məlumat verilib. Görüşdə qeyd edilib ki, İƏT-in Praqa qrupuna sədrlik Türkiyənin Çexiyadakı səfirindən Azərbaycanın bu ölkədəki səfirinə keçib.
Fərid Şəfiyev Prezident İlham Əliyevin 2017-ci ilin Azərbaycanda “İslam Həmrəyliyi İli” elan edilməsi haqqında yanvarın 10-da Sərəncam imzaladığını tədbir iştirakçılarının diqqətinə çatdırıb. Səfir, həmçinin IV İslam Həmrəyliyi Oyunlarının 2017-ci ildə Bakıda keçiriləcəyini bildirib və bu müstəvidə, cari il ərzində İƏT-in Praqa qrupuna sədrlik edəcəyindən məmnunluğunu ifadə edib.
Azərbaycan səfiri İƏT-in Praqa qrupu platformasından istifadə etməklə, Çexiya hökuməti və ictimaiyyəti ilə əməkdaşlıq edilməsinin əhəmiyyətini vurğulayıb. İslam dəyərlərinin və mədəniyyətinin təbliği, düzgün anlaşılması istiqamətində İƏT-in Praqa qrupunda təmsil olunan səfirləri öz səylərini artırmağa səsləyib.
Azərbaycan səfirliyində keçirilən tədbirdə İƏT-in Praqa qrupuna üzv səfirlərlə yanaşı, Çexiyanın rəsmi qurumlarının və ictimaiyyətinin bir sıra nümayəndələri də iştirak ediblər.
Prezident İlham Əliyevin Sərəncamları ilə Anar Bayramov və Rəşad Mustafayev əmək və əhalinin sosial müdafiəsi nazirinin müavinləri təyin ediliblər.
Milli Məclisin yaz sessiyası üzrə növbəti plenar iclası aprelin 22-də keçiriləcək.
Prezident İlham Əliyev 2025-ci il yanvarın 16-da Bakı şəhərində imzalanmış "Azərbaycan Respublikasının İqtisadiyyat Nazirliyi ilə Latviya Respublikasının Dövlət Gəlirlər Xidməti arasında məlumat mübadiləsi və vergi tələblərinin alınmasında yardım haqqında Anlaşma Memorandumu"nun təsdiq edilməsi barədə Fərman imzalayıb.
Prezident İlham Əliyev Azərbaycanın İqtisadiyyat Nazirliyi ilə Latviyanın Dövlət Gəlirlər Xidməti arasında məlumat mübadiləsi və vergi tələblərinin alınmasında yardım haqqında Anlaşma Memorandumunu təsdiq edib.
Azərbaycan Respublikasının müdafiə nazirinin müavini - Hərbi Hava Qüvvələrinin (HHQ) komandanı general-leytenant Namiq İslamzadə ölkəmizdə səfərdə olan Serbiya Respublikası HHQ və Hava Hücumundan Müdafiə komandanı general-mayor Brane Krnyayiçin rəhbərlik etdiyi nümayəndə heyəti ilə görüşüb.
