Aprelin 22-də saat 12.00-da İ.M.Seçenov adına Birinci Moskva Dövlət Tibb Universitetinin Bakı filialında “Açıq qapı günü” keçiriləcək.
Universitet bu tədbiri abituriyentləri və onların valideynlərini filialda tədris prosesi, habelə qəbul imtahanlarının keçirilməsi qaydaları ilə tanış etmək, filialın fəaliyyəti barədə dolğun informasiya vermək məqsədi ilə təşkil edir. Siz filialın rektoru, professor Ə.C.Əliyevə suallarınızla müraciət edə bilərsiniz.
Tədbirdə iştirak etmək istəyənlər http://mma.edu.az/?smode=register linki üzrə onlayn-qeydiyyatdan keçməlidirlər.
Ümummilli lider Heydər Əliyevin anadan olmasının 99-cu ildönümünə həsr olunan “Sən elə bir zirvəsən” respublika ifa müsabiqəsi mayın 5-dək davam edəcək. Müsabiqə Təhsil Nazirliyinin dəstəyi, Gənclərin Respublika Bədii Yaradıcılıq Evinin təşkilatçılığı ilə nazirlik sistemində fəaliyyət göstərən peşə və orta ixtisas təhsili müəssisələrinin şagird və tələbələri arasında keçirilir.
Magistraturaya qəbul imtahanında ən yüksək nəticə toplanılması mümkün olan 100 baldan 98 olub. Qəbul imtahanındakı nəticələri müsabiqə şərtlərini ödəyən bakalavrlar ixtisaslaşma seçiminə buraxılırlar. Müsabiqə şərtləri müxtəlif ixtisas qruplarına uyğun olaraq 30, 40, 45, 50 baldır.
Bir nəfərdə mobil telefon aşkarlandığı üçün, bir nəfər isə köçürməyə cəhd etdiyi üçün imtahandan xaric olunub və nəticələri ləğv edilib. Bundan əlavə, sual kitabçasını özü ilə aparan 4 nəfərin nəticəsi araşdırılır.
