Heydər Əliyev siyasəti əbədi yaşayacaq

Heydər Əliyev siyasəti əbədi yaşayacaq
09 Dek 2016 09:25

Qaradağ rayonunun Lökbatan qəsəbəsində yerləşən Heydər Əliyev Mərkəzində Ulu Öndərin xatirəsinə həsr olunmuş “Heydər Əliyev siyasəti Azərbaycanda əbədi yaşayacaq” mövzusunda konfrans keçirilib.

Konfransda əvvəlcə Ulu Öndərin keçdiyi zəngin həyat yolunu əks etdirən film nümayiş olunub.

Rayon icra hakimiyyətinin başçısı Süleyman Mikayılov tədbirdə çıxış edərək Azərbaycan dövlətçiliyinin söykəndiyi təməl prinsiplərin Heydər Əliyev tərəfindən yaradıldığını söyləyib. Bildirib ki, ümummilli lider Heydər Əliyev özünün titanik fəaliyyəti və qətiyyətli qərarları ilə müstəqilliyimizin qorunmasında, ölkədə sabitliyin əldə olunmasında, həmçinin Azərbaycanın dünya dövlətləri arasında nüfuzunun yüksəldilməsində müstəsna xidmətlər göstərib. Məhz buna görə də xalqımız ümummilli lider Heydər Əliyevi müasir müstəqil Azərbaycan dövlətinin memarı, qurucusu adlandırıb.

Azərbaycan Respublikasının Prezidenti yanında Dövlət İdarəçilik Akademiyasının Siyasi Araşdırmalar İnstitutunun direktoru, deputat Elman Nəsirov Vətənini hədsiz dərəcədə sevən bu dahi şəxsiyyətin ölkəsinin tarixinə, xalqına son dərəcə böyük sevgi və hörmətlə yanaşmasını heyrətamiz hiss kimi səciyyələndirib.

Milli Məclisin deputatı Mixail Zabelin müasir Azərbaycanın mürəkkəb və taleyüklü dövründə dövlətə rəhbərlik missiyasını öz üzərinə götürən Heydər Əliyevin xilaskarlıq və quruculuq missiyasını şərəflə yerinə yetirməklə nəinki xalqımızın ən parlaq siması, eləcə də dünya siyasi elitasının görkəmli şəxsiyyətlərindən biri kimi tarixdə silinməz iz qoyduğunu bildirib.

Bakı Dövlət Universitetinin professoru Anar İsgəndərov Ulu Öndərin dövlətçilik səriştəsi və bacarığı ilə bütün sədləri yararaq, qarşıya çıxan bütün çətinlikləri dəf edərək Azərbaycanı olduqca mürəkkəb zamanın dalğaları arasından salamat çıxardığını, ona həm bölgədə, həm də dünyada layiqli yer qazandırdığını vurğulayıb.

Bütün çıxış edənlər ümummilli lider Heydər Əliyevin siyasətinin hazırda Prezident İlham Əliyev tərəfindən layiqincə davam etdirildiyini vurğulayıblar.





18 Avq 2022
Siyasət

İlham Əliyev Efiopiyanın yeni təyin olunan səfirinin etimadnaməsini qəbul edib - YENİLƏNİB + FOTO

Avqustun 18-də Azərbaycan Respublikasının Prezidenti İlham Əliyev Efiopiya Federativ Demokratik Respublikasının ölkəmizdə yeni təyin olunan fövqəladə və səlahiyyətli səfiri Adem Muhammed Mahmudun etimadnaməsini qəbul edib.

18 Avq 2022
Siyasət

Ərdoğanın Ukraynaya rəsmi səfəri başladı - VİDEO

Türkiyə Prezidenti Rəcəb Tayyib Ərdoğan ukraynalı həmkarı Vladimir Zelenski və BMT-nin baş katibi Antonio Quterreşlə danışıqlar aparmaq üçün Ukraynanın Lvov şəhərindədir.

18 Avq 2022
Siyasət

Müəllim, direktor və müavinlərinin maaşlarına aylıq əlavələr müəyyən edildi - FƏRMAN

Prezident İlham Əliyev “Dövlət ümumi təhsil müəssisələrinin rəhbər işçilərinin və həmin təhsil müəssisələrinin (ümumi təhsil üzrə təhsilverənlərə münasibətdə digər dövlət təhsil müəssisələrinin) təhsilverənlərinin vəzifə maaşlarına aylıq əlavələr müəyyən edilməsi haqqında” Fərman imzalayıb.

18 Avq 2022
Siyasət

Azərbaycanda arxiv işi ilə bağlı vahid elektron məlumat sistemi yaradılacaq

Azərbaycanda arxiv işi ilə bağlı vahid elektron məlumat sistemi yaradılacaq.