Yanvarın 25-26-da Finlandiyanın paytaxtı Helsinkidə Avropa Statistikləri Konfransının Bürosu tərəfindən yaradılmış Keyfiyyətli məşğulluğun ölçülməsi üzrə İdarəetmə qrupunun iclası keçirilib. İclasda İdarəetmə qrupunun üzvü, Azərbaycan Respublikasının Dövlət Statistika Komitəsinin əmək statistikası şöbəsinin müdiri Nemət Xuduzadə də iştirak edib.
Komitədən AZƏRTAC-a bildirilib ki, görüşdə İdarəetmə qrupuna üzv olan ölkələrin (Azərbaycan, ABŞ, Kanada, Almaniya, Finlandiya, İsveçrə, İtaliya və İsrail) milli statistika orqanlarının və 6 beynəlxalq təşkilatın (BMT-nin Avropa İqtisadi Komissiyası, Avrostat, BƏT, İqtisadi Əməkdaşlıq və İnkişaf Təşkilatı, Yaşayış və İş şəraitinin yaxşılaşdırılması üzrə Avropa Fondu (Avrofond) və Qloballaşan İqtisadiyyatın Qeyri-formal sektorunda Qadınlar) mütəxəssisləri iştirak ediblər.
Keyfiyyətli məşğulluq üzrə göstəricilərin milli səviyyədə əldə olunma imkanlarını öyrənmək məqsədilə təşkil edilən tədbirdə ölkələrin milli statistika orqanları ilə məsləhətləşmə aparmaq üçün tərtib olunmuş sorğu anketi layihəsinin razılaşdırılması, Əmək statistiklərinin XIX Beynəlxalq konfransının yeni standartları çərçivəsində keyfiyyətli məşğulluğa dair müvafiq göstəricilərin metodologiyasına yenidən baxılması, bu sahə üzrə göstəricilər sisteminin Avropa Statistika Bürosunun məlumat bazasına inteqrasiya olunma imkanları, göstəricilərin beynəlxalq müqayisəliliyi və sair kimi məsələlər müzakirə olunub.
İqtisadiyyat naziri Mikayıl Cabbarov Yurgen Riqterink ilə görüşüb.
Rusiyanın Primorye diyarının Lesozavodsk şəhərində buzlu yağış səbəbindən fövqəladə vəziyyət elan edilib.
“Azərbaycanda vergi güzəştlərinin hazırlanması metodologiyası üzərində iş gedir”.
Dünyada hərbi münaqişələrin geniş vüsət alması şəraitində dünya iqtisadiyyatında gərginlik və risklər artmaqda davam edir, bunu nəzərə alaraq bu gün müzakirəyə çıxarılan 2024-cü ilin Azərbaycanın dövlət büdcəsi layihəsi mürəkkəb qlobal şəraitə təsadüf edir.
