Hazırda Azərbaycanda saat neçədir? - Nazirlikdə təcili iclas keçirilir

Hazırda Azərbaycanda saat neçədir? - Nazirlikdə təcili iclas keçirilir
27 2017 14:10

Martın 26-da yay vaxtına keçidlə bağlı əksər ölkələrdə əqrəblər bir saat irəli çəkildi. Azərbaycanda isə yay vaxtına keçid ötən il ləğv edildiyi üçün (Nazirlər Kabinetinin 17 mart 2016-cı il tarixli 131 saylı Qərarına əsasən) saatda heç bir dəyişiklik edilmədi. Lakin elektron resusrlarda həmin gün vaxt avtomatik olaraq bir saat irəli çəkildi. İş günü olmadığı üçün problem o qədər də hiss edilmədi.

Məsələ ilə bağlı Metbuat.az-a açıqlama verən "Multimedia" İnformasiya Sistemləri Texnologiyaları Mərkəzinin direktoru, Azərbaycan İnternet Forumunun prezidenti Osman Gündüz bildirdi ki, burada problem bizlikdir:

“Bu, beynəlxalq bir məsələdir. Dünyada qlobal resurslar var. Bu qlobal resurslarda yerli saatlardan da istifadə olunur. Qlobal resursların sahibləri təbii ki, yerli saatları ölkələrlə əlaqə yaratmaqla müəyyənləşdirmirlər. Bu gün dünyada “Apple”, “Google”, “Lenova”, “Microsoft” və s. kimi minlərlə nəhəng proqram istehsalçıları var. Onlar öz məhsullarını istehsal edən zaman lokal, yerli saatları da əlavə edirlər. Dünyada bununla bağlı oturuşmuş bir mərkəz var. Yəni, lokal saatların cəmləşdiyi bir nöqtə var. bütün bu yerli saatlarla bağlı informasiya bazası orada toplanır. Qlobal resusrların sahibləri saatlarla bağlı etalonu həmin mərkəzdən götürürlər. Hazırda Azərbaycanla bağlı orada yeni informasiya var. Lakin şirkətlər yeni informasiyanın qəbulunda o qədər də maraqlı deyil. Çünki qlobal şirkətlər üçün Azərbaycan kiçik bazardır. Onlar üçün Azərbaycan bazarının böyük bir əhəmiyyəti yoxdur. Ona görə də, məsələn, “x” ilə gedən sistem indi “y” edilmir”.

Belə bir sual yaranır. İndi biz nə edək?

Osman Gündüz əlavə etdi ki, hökümət bununla bağlı özü çalışmalıdır:

“Hesab edirəm ki, burada problem bizlikdir. Bizim saatlarla bağlı əsas səlahiyyət daşıyan qurum Standartlaşdırma, Metrologiya və Patent üzrə Dövlət Komitəsidir. Müəyyən qədər Rabitə və Yüksək Texnologiyaları Nazirliyi də rol oynayır. Bu iki qurum birlikdə həmin şirkətlərlə işlər aparmalı. Eyni zamanda, bu şirkətlərin ölkəmizdə də nümayəndəlikləri var. Yaxşı olardı ki, adı çəkilən qurumlar həmin qlobal şirkətlərin Azərbaycan və regional nümayəndəliklərini toplayıb müzakirə etsinlər”.

Problemlə bağlı StandartlaşdırmaMetrologiya və Patent üzrə Dövlət Komitəsi ilə əlaqə saxladıq. Qurumun mətbuat xismətindən Metbuat.az-a bildirdilər ki, Azərbaycanın etalon vaxtı komitənin etalon bazasında saxlanılır. Etalon vaxt Nazirlər Kabinetinin qərarına uyğunlaşdırılıb. Azərbaycan Respubliksına ötürülən tezlik qərara uyğundur. Problem yalnız İT əməliyyat sistemləri ilə bağlıdır. Bu məsələyə Rabitə və Yüksək Texnologiyaları Nazirliyi cavabdehdir.

Problemlə bağlı Rabitə və Yüksək Texnologiyalar Nazirliyinin mətbuat xidmətindən isə bildirildi ki, bununla bağlı hazırda nazirlikdə iclas gedir. İclasın nəticələri yaxın saatlarda media ilə bölüşüləcək.


23 Fev 2024
Cəmiyyət

III Bakı Elm Olimpiadası keçiriləcək

Bakı Şəhəri üzrə Təhsil İdarəsinin (BŞTİ) tabeliyindəki ümumi təhsil müəssisələrinin şagirdləri arasında III Bakı Elm Olimpiadası keçiriləcək.

23 Fev 2024
Cəmiyyət

Azərbaycanda əhalisinin sayı üç mindən az olan kəndlərin bələdiyyələri birləşdirilir - YENİ LAYİHƏ

Azərbaycan Prezidenti İlham Əliyevin təqdimatı ilə Milli Məclisə bələdiyyələrlə bağlı iki qanun layihəsi daxil olub.

23 Fev 2024
Cəmiyyət

Sabah Bakıda 6° isti olacaq

Fevralın 24-də Azərbaycanda havanın yağıntılı olacağı gözlənilir.

23 Fev 2024
Cəmiyyət

Döyüş və təminedici gəmilər dəstəsinin taktiki təlimi keçirilib - VİDEO

Müdafiə naziri general-polkovnik Zakir Həsənovun təsdiq etdiyi 2024-cü tədris ilinin hazırlıq planına əsasən, Hərbi Dəniz Qüvvələrinin (HDQ) döyüş və təminedici gəmilər dəstəsinin taktiki təlimi keçirilib.

23 Fev 2024
Cəmiyyət

Xalq artisti Həsənağa Turabovun vəfatından 21 il ötür

Bu gün Xalq artisti Həsənağa Turabovun anım günüdür.