Azərbaycanın Batumi şəhərindəki baş konsulu Rəşad İsmayılov Acarıstan Muxtar Respublikasının yeni təyin olunmuş səhiyyə və əhalinin sosial müdafiəsi naziri Zaal Mikeladze ilə görüşüb.
Rəşad İsmayılov naziri təbrik edərək ona fəaliyyətində uğurlar arzulayıb.
Baş konsulluqdan AZƏRTAC-a bildiriblər ki, görüşdə Azərbaycanla Gürcüstan, eləcə də Naxçıvan və Acarıstan muxtar respublikaları arasında səhiyyə sahəsində birgə əməkdaşlığın inkişaf perspektivləri müzakirə olunub.
R.İsmayılov 2012-ci ildə imzalanmış “Azərbaycan Respublikasının Naxçıvan və Gürcüstanın Batumi şəhərləri arasında qardaşlıq və əməkdaşlığa dair Memorandum” çərcivəsində hər iki tərəf arasında səhiyyə sahəsində olan proqramın gələcəkdə daha da genişləndirilməsinin vacibliyini qeyd edib. Diplomat ölkəmizdə fəaliyyət göstərən müalicə mərkəzləri barədə nazirə ətraflı məlumat verib. O, gələcəkdə Azərbaycan və Acarıstanın müalicə mərkəzləri arasında əlaqələrin yaradılmasının zəruriliyini vurğulayıb.
Zaal Mikeladze isə Acarıstan Muxtar Respublikasında fəaliyyət göstərən müalicəvi istirahət zonaları barədə baş konsulu məlumatlandırıb, bu sahədə Azərbaycanla əməkdaşlıqda maraqlı olduqlarını vurğulayıb.
Görüş zamanı hər iki ölkədə səhiyyə sahəsində görülən işlərdən, qazanılan uğurlardan, tibb sahəsində qarşılıqlı təcrübə mübadiləsi məsələlərindən söhbət açılıb, tibbi turizmin inkişaf etdirilməsinin vacibliyi xüsusi qeyd olunub.
Ölkədə şəkərli diabet xəstələrinin dərmanlarla təminatında ciddi problemlər var.
Rusiyalı diyetoloq Yevgeniya Deqtyannikova qanda hemoqlobinin səviyyəsini artırmağa kömək edən bir sıra məhsullar haqqında fikirlərini bölüşüb.
İnsanlarda görmə kəskinliyi statik (stasionar) və dinamik (hərəkətli) şəraitdə kiçik detalları tanımaq qabiliyyəti ilə qiymətləndirilir.
24-26 may tarixlərində, La Roche-Posay Azərbaycanın, Аzərbaycan Dermatoveneroloqlar Assosiasiyasının, Bakı Pataloji mərkəzinin təşkilatçılığı və Zəfəran Hospitalın dəstəyi ilə “Dəri xərçənginin diaqnostikası günləri” aksiyası keçiriləcəkdir.
Hamiləlik zamanı qadının orqanizmi çox ciddi yükləmələrə məruz qalır. Qadının orqanizmində yeni həyat inkişaf edir və bu həyatın normal inkişafı üçün müxtəlif vitaminlər, mikroelementlər və s. maddələr lazımdır. Hamiləlik zamanı hətta bir vacib vitaminin və ya mikroelementin çatışmazlığı həm uşağın inkişafına, həm də qadının səhhətinə mənfi təsir edir. Məsələn, uşağın sümüklərinin formalaşmasına və böyüməsinə çoxlu miqdarda kalsium elementi lazımdır. Bu element ananın orqanizminə lazım olan miqdarda daxil olmadıqda, körpədən çox ana əziyyət çəkir. Körpə ananın orqanizmindən özünə lazım olan kalsiumu sovurur ki, bunun nəticəsində ananın dişlərindən, sümüklərindən, saçlarından kalsium yuyulur. Məhz bu səbəbdən qadının orqanizmində hamiləlikdən öncə kalsium defisiti varsa və ya hamiləlik zamanı lazım olan miqdarda kalsium qəbul etmirsə, o zaman qadınlarda dişlər ovulmağa başlayır, saçlar tökülür, ayaqlarda qıcolmalar olur.
