Gürcü alim: Ermənilər lap qədim zamanlardan bütün Qafqaz regionunu erməniləşdirməyə çalışırlar

Gürcü alim: Ermənilər lap qədim zamanlardan bütün Qafqaz regionunu erməniləşdirməyə çalışırlar
29 Dek 2016 09:04

Ermənilər lap qədim zamanlardan bütün Qafqaz regionunu erməniləşdirmək planını həyata keçirməyə çalışırlar.

Trend-in məlumatına görə, alim və tədqiqatçı, tarix elmləri doktoru, erməni məsələsinin araşdırıcısı Aleksandre Abdaladze Gürcüstanın iqtidaryönlü “Asaval-dasaval” (“Kələ-kötür”) qəzetinə müsahibəsində deyib.

A.Abdaladze bildirib ki, ermənilər lap qədim zamanlardan bütün Qafqaz regionunu, eləcə də Gürcüstanı erməniləşdirmək planının həyata keçirməyə çalışırlar: “Lakin onların arzusunun həyata keçmədi. Buna baxmayaraq, ermənilərin xəyali imperiya qurmaq səyləri hələ də bitməyib. Bütün Qafqazın erməniləşdirilməsi planı XIX əsrin sonlarında yenidən vüsət aldı və Rusiya imperiyası Gürcüstanda da erməni məsələsindən istifadə etməyə başladı”.

Alim qeyd edib ki, “Böyük Ermənistan”ın yaradılması və bütün Qafqazın erməniləşdirilməsi planı” bu gün də mövcuddur: “XIX əsrin sonunda yaranan “Daşnaksutyun” təşkilatı bu gün də mövcuddur və kəskin surətdə, açıq şəkildə erməni şovinist dairələrinin arzularını həyata keçirməyə çalışır. Həmin daşnaklara məxsus bir deyim var: “Gürcü milləti ölü millətdir və Qafqazda onların yerini biz ermənilər tutmalıyıq”. Daşnakların planlarına təkcə Abxaziyanın deyil, Acarıstan və Cavaxetiyanın da da zəbt edilməsi daxildir”.

Müsahibəsində “Abxaziya – Ermənistanın Qara dəniz sahilidir!” fikrinə də toxunan A.Abdaladzenin sözlərinə görə, bu qiymətləndirmə təəssüflər olsun ki, tamamilə reallığı əks etdirir: “Apsuaların (red. - müasir Abxaziyada yaşayan əhalinin bir hissəsi apsua adlanır) sadəlövhlüyündən ermənilər məharətlə istifadə ediblər. Ermənistanın arzusu Qara dənizə çıxış əldə etməkdir”.

Alim deyib ki, ABŞ və başqa ölkələrdə fəaliyyət göstərən güclü erməni lobbisi Gürcüstanda erməni məsələsinin həyata keçirilməsi üçün böyük maliyyə vəsaiti xərcləyir: “Ermənilər gürcü-erməni əlaqələrinin tədqiq olunması naminə müxtəlif işlər görürlər. Mən erməni kilsəsi tərəfindən maliyyələşən, Gürcüstanın əleyhinə fəaliyyət göstərən bəzi “gürcü araşdırıcı” erməniləri tanıyıram”.


5 Okt 2022
Siyasət

Fövqəladə Hallar Nazirliyinin Akademiyasında Beynəlxalq Müəllimlər Günü qeyd olunub - FOTO

5 oktyabr 2022-ci il tarixində Fövqəladə Hallar Nazirliyinin Akademiyasında Beynəlxalq Müəllimlər Günü münasibətilə tədbir keçirilib.

5 Okt 2022
Siyasət

Prezident İlham Əliyev BMT-nin Məskunlaşma Proqramının icraçı direktorunu qəbul edib - YENİLƏNİB + FOTO

Azərbaycan Respublikasının Prezidenti İlham Əliyev oktyabrın 5-də Ağdamda BMT-nin Məskunlaşma Proqramının (UN-HABITAT) icraçı direktoru xanım Maimuna Mohd Şərifi qəbul edib.

5 Okt 2022
Siyasət

İlham Əliyev: “Qarabağ regionu Azərbaycan iqtisadiyyatının hərəkətverici qüvvəsinə çevriləcək”

“Azərbaycanın işğaldan azad edilmiş ərazilərinin böyük potensialı var və Qarabağ regionu ölkə iqtisadiyyatının hərəkətverici qüvvəsinə çevriləcək”.

5 Okt 2022
Siyasət

Prezident İlham Əliyev BMT-nin Məskunlaşma Proqramının icraçı direktorunu qəbul edib - FOTO

Azərbaycan Respublikasının Prezidenti İlham Əliyev oktyabrın 5-də Ağdamda BMT-nin Məskunlaşma Proqramının (UN-HABITAT) icraçı direktoru xanım Maimuna Mohd Şərifi qəbul edib.

5 Okt 2022
Siyasət

İlham Əliyev: “Ermənistan Azərbaycanı lazımınca qiymətləndirmədi və bunun əvəzini ödədi”

“Ermənistan Azərbaycanı və Azərbaycan xalqının iradəsini lazımınca qiymətləndirmədi və bunun əvəzini ödədi”.