Gülnarə Xəlilova İslam Oyunlarına həsr edilmiş kolleksiya hazırlayır

Gülnarə Xəlilova İslam Oyunlarına həsr edilmiş kolleksiya hazırlayır
08 2017 14:03

Milli Geyim Mərkəzinin rəhbəri, sənətşünaslıq üzrə fəlsəfə doktoru Gülnarə Xəlilova 12-22 may 2017-ci il tarixində Bakıda keçiriləcək IV İslam Həmrəylik Oyunlarına həsr edilmiş kolleksiya hazırlayır.

Trend-in məlumatına görə, G.Xəlilova bildirib ki, modelləşdirmə və geyim dizaynı xalq dekorativ-tətbiqi incəsənətin ənənəvi növlərinin dirçəldilməsinin potensial istiqamətlərindən biridir və müasir mədəniyyətdə özünəməxsus milli istiqamətin formalaşdırılması və təsdiqinin perspektivli yoludur. Onun sözlərinə görə, yeni kolleksiyada Azərbaycan milli ornamentləri təqdim ediləcək, geyimlərin özləri isə müasir üslubda yaradılır. Dizayner qeyd edib ki, kolleksiya, ilk növbədə gənclərə, müasir meyillər nəzərə almaqla onların öz milli köklərinə marağının artırılmasına istiqamətlənib.

Qeyd edək ki, bu, G.Xəlilovanın idman sahəsinə həsr edilmiş ilk işi deyil. Onun kolleksiyası 2015-ci ildə Heydər Əliyev Fondunun birinci Avropa Oyunları Təşkilat Komitəsi ilə birgə təşkil etdiyi “Bakı-2015” birinci Avropa Oyunlarının təqdimatı çərçivəsində Londonda nümayiş etdirilmişdi. Bu yarışlar ərəfəsində ölkənin bölgələrində və Bakıda möhtəşəm Alov festivalı keçirilmişdi. Rəqs kollektivlərinin geyim üslubuna milli ornamentlər əlavə edilmişdi.

Tamaşaların baş qəhrəmanının – “Eurovision” mahnı müsabiqəsinin iştirakçısı Fərid Məmmədovun geyiminə isə qədim “Dədə Qorqud” eposunun qəhrəmanı Bamsı Beyrək obrazına uyğun üslub verilmişdi. Həmçinin, dizayner tərəfindən Avropa Oyunlarının rəsmi talismanları ilə əl işi olan panno yaradılmışdı.

2016-cı ildə Braziliyanın Rio-de-Janeyro şəhərində XV Yay Paralimpiya Oyunlarının açılış mərasimi zamanı Azərbaycan yığmasının bayraqdarı, ikiqat Paralimpiya çempionu, ikiqat dünya və beşqat Avropa çempionu, “Bakı-2015” ilk Avropa Oyunlarının qalibi və yığmanın kapitanı İlham Zəkiyev dizaynerin hazırladığı milli kostyumda olub ki, bu da Olimpiya hərəkatının tarixində yenilikdir. G.Xəlilova, həmçinin milli ornamentlərin olduğu panno əl işini tanınmış idmançılara bağışlayıb.


8 Dek 2021
Cəmiyyət

Azərbaycan Ordusunun xüsusi təyinatlılarının anti-terror təlimi - FOTO/VİDEO

Əlahiddə Ümumqoşun Ordunun xüsusi təyinatlıları ilə “Yaşayış məntəqələrində antiterror əməliyyatlarının aparılması” mövzusunda taktiki-xüsusi təlim keçirilib.

8 Dek 2021
Cəmiyyət

Ermənilər Kəlbəcərdəki mövqelərimizi atəşə tutdu - RƏSMİ

Dekabrın 8-i saat 14:35-dən 15:30-dək Ermənistan silahlı qüvvələrinin bölmələri Basarkeçər rayonunun Yuxarı Şorca yaşayış məntəqəsində yerləşən mövqelərindən Kəlbəcər rayonunun Zəylik yaşayış məntəqəsində yerləşən Azərbaycan Ordusunun mövqelərini atıcı silahlardan istifadə etməklə heç bir səbəb olmadan intensiv atəşə tutub.

8 Dek 2021
Cəmiyyət

Ölkədə bu gün peyvənd olunanların sayı AÇIQLANDI - FOTO

Azərbaycanda son sutkada koronavirus (COVID-19) əleyhinə 33 245 vaksin vurulub.

8 Dek 2021
Cəmiyyət

Azərbaycanda son sutkada 15 nəfər koronavirusdan vəfat etdi - FOTO

Azərbaycan Respublikasında koronavirus (COVID-19) infeksiyasına 1 210 yeni yoluxma faktı qeydə alınıb, 1 853 nəfər müalicə olunaraq sağalıb.

8 Dek 2021
Cəmiyyət

Horadiz-Cəbrayıl-Zəngilan-Ağbənd avtomobil yolunda tunellərin inşasına başlanıldı - FOTO

Oktyabrın 26-da Azərbaycan və Türkiyə prezidentləri tərəfindən təməli qoyulan Horadiz-Cəbrayıl-Zəngilan-Ağbənd avtomobil yolunun (Zəngəzur dəhlizi) tikintisi sürətlə davam etdirilir. Yeni inşa edilən yol boyunca layihə çərçivəsində zəruri yerlərdə ortalama ümumi uzunluğu 6 kilometr təşkil edən 3 avtomobil tunelinin inşası nəzərdə tutulub ki, bu istiqamətdə artıq tikinti işlərinə start verilib.