Gülər Əhmədova psixoloqun intiharı haqqında: Hamının sevgiyə ehtiyacı var

Gülər Əhmədova psixoloqun intiharı haqqında: Hamının sevgiyə ehtiyacı var
26 2017 11:06

Keçmiş millət vəkili Gülər Əhmədova intihar edən məşhur psixoloq Dəyanət Rzayev haqda fikirlərini paylaşıb.

REALPRESS.Az “Qafqazinfo”-ya istinadən xəbər verir ki, o, Rzayevin özünü öldürmək haqda qərarını qınayanlara mesaj verib:

“Yoldaşlar, ay yoldaşlar... Bu gün də hamınız psixoloq olmaq qərarına gəldiniz? Yaxşı elədiniz... Olun. Amma unutmayın ki, heç kim, heç nədən sığortalanmayıb. Gözləmədiyiniz vaxtda özünüz və ya yaxınınız intihar edər, yaxşı düşməz. Dəyanət Rzayev çox savadlı, fundamental təhsilli psixoloq idi. 6 aylıq kurs keçib, psixoloq olmamışdı. Ən gözəl sürücülər qəza törədir. Ən yaxşı müəllimin uşağı avara ola bilir. 

Ən yaxşı kardioloji mərkəz açmış Neftçilər xəstəxanasının baş həkimi ürək qüsurundan həyatını dəyişdi, çünki əməliyyatdan çəkinirdi. Dəyanətin ətrafında olan hər kəs günahkardır, çünki hamı onu daha güclü hesab edirdi. Hamı düşünürdü ki, ona məsləhət vermək olmaz, dərdinə şərik lazım deyil. Çünki o, psixoloqdur. Hamının “Axilles dabanı” var. Hamının qırılma nöqtəsi var. Hamının sevgiyə, mərhəmətə ehtiyacı var. Əzizlərinizi bu gün sevin, bu gün zəng vurun, bu gün axtarın. Dəyanəti rahat buraxın. O, artıq bizlik deyil, yaradanın yanındadır. 

Təklik yalnız Allaha məxsusdur. Yerin cənnət olsun, gözəl insan! Biz hamımız günahkarıq, çünki həssas deyilik, ətrafımızda olanların dərdlərinə şərik ola bilmirik. Hər kəs özünü düşünür. Əgər hər gün bir insanın dərdinə şərik olsaq, dərdlər azalar, intiharlar azalar. Daş qəlbli insanları neylərdin, İlahi?!

Allah ona rəhmət və mərhəmət etsin!”.

Qeyd edək ki, Gülər Əhmədova Psixoterapiya mərkəzində işləmək üçün Dəyanət Rzayev tərəfindən dəvət edilmişdi.


23 May 2024
Cəmiyyət

Bəstəkar Tofiq Quliyevin ilk və son tələbəsi Nailə Mirməmmədlinin doğum günüdür

Bu gün mərhum Əməkdar incəsənət xadimi, bəstəkar Nailə Mirməmmədlinin doğum günüdür.

23 May 2024
Cəmiyyət

31 ildən sonra nəşi tapılan şəhidin atası: "Bu gün oğlumu son mənzilə yola salacağam"

"Elməddin 18 yaşında həqiqi hərbi xidmətə getdi. Əlim çatan hər yeri axtardım, Elməddindən xəbər-ətər olmadı".

23 May 2024
Cəmiyyət

Sabah Bakıda 26, rayonlarda 23 dərəcə isti olacaq

Mayın 24-də paytaxt Bakıda havanın əsasən yağmursuz keçəcəyi, bölgələrdə yağış yağacağı gözlənilir.

23 May 2024
Cəmiyyət

Azərbaycan Mərkəzi Bankı 23 may tarixindən etibarən valyuta məzənnələrini açıqlayıb.