Görkəmli dövlət və elm xadimi Əziz Əliyevin fəaliyyəti gənc nəsil üçün örnəkdir

Görkəmli dövlət və elm xadimi Əziz Əliyevin fəaliyyəti gənc nəsil üçün örnəkdir
29 2017 08:45

Martın 28-də Azərbaycan Dövlət Neft və Sənaye Universitetində (ADNSU) görkəmli dövlət və elm xadimi, tibb elmləri doktoru, professor Əziz Əliyevin 120 illik yubileyinə həsr olunan tədbir keçirilib.

ADNSU-dan AZƏRTAC-a bildiriblər ki, tədbirdə universitetin rektoru, professor Mustafa Babanlı Əziz Əliyevin müxtəlif məsul vəzifələrdə çalışdığı müddətdə dövlət idarəçiliyinin təkmilləşdirilməsində səmərəli fəaliyyət göstərdiyini, respublikada səhiyyə sisteminin və tibbi təhsilin formalaşmasına töhfələr verdiyini diqqətə çatdırıb. Görkəmli alimin olduqca mürəkkəb tarixi bir dövrdə yüksək təhsil aldığını deyən rektor vurğulayıb ki, onun fəaliyyəti gənc nəsil üçün örnəkdir.

ADNSU-nun ictimai fənlər kafedrasının müdiri, professor Camal Mustafayev Əziz Əliyevin səhiyyə sisteminin formalaşdırılmasına verdiyi töhfələrdən, İkinci Dünya müharibəsi illərində Cənubi Azərbaycanda apardığı işlərin əhəmiyyətindən söz açıb. Alimin 1941-1942-ci illərdə Azərbaycan KP MK-nın katibi vəzifəsində çalışdığını deyən C.Mustafayev onun 1942-1948-ci illərdə Dağıstan Vilayət Partiya Komitəsinin birinci katibi vəzifəsində də özünü bacarıqlı dövlət xadimi kimi göstərə bildiyini qeyd edib.

Dağıstan Vilayət Partiya Komitəsinin birinci katibi vəzifəsində çalışdığı illərdə Əziz Əliyevin Azərbaycan və Dağıstan xalqları arasında dostluq və qardaşlıq əlaqələrinin daha da möhkəmləndirilməsində böyük rol oynadığını deyən ADNSU-nun neft-qaz mühəndisliyi kafedrasının müdiri, professor Tulparxan Salavatov onun Dağıstan xalqlarının repressiyadan xilas olmasında göstərdiyi xidmətləri xüsusi vurğulayıb.

Sonda tədbir iştirakçılarının sualları cavablandırılıb.


22 Fev 2022
Elmi

“Sən elə bir zirvəsən” respublika ifa müsabiqəsi davam edir

Ümummilli lider Heydər Əliyevin anadan olmasının 99-cu ildönümünə həsr olunan “Sən elə bir zirvəsən” respublika ifa müsabiqəsi mayın 5-dək davam edəcək. Müsabiqə Təhsil Nazirliyinin dəstəyi, Gənclərin Respublika Bədii Yaradıcılıq Evinin təşkilatçılığı ilə nazirlik sistemində fəaliyyət göstərən peşə və orta ixtisas təhsili müəssisələrinin şagird və tələbələri arasında keçirilir.

22 Fev 2022
Elmi

Magistraturaya qəbul imtahanında ən yüksək nəticə 98 bal olub

Magistraturaya qəbul imtahanında ən yüksək nəticə toplanılması mümkün olan 100 baldan 98 olub. Qəbul imtahanındakı nəticələri müsabiqə şərtlərini ödəyən bakalavrlar ixtisaslaşma seçiminə buraxılırlar. Müsabiqə şərtləri müxtəlif ixtisas qruplarına uyğun olaraq 30, 40, 45, 50 baldır.

22 Fev 2022
Elmi

Magistraturaya qəbul imtahanı vermiş iki nəfərin nəticələri ləğv edilib

Bir nəfərdə mobil telefon aşkarlandığı üçün, bir nəfər isə köçürməyə cəhd etdiyi üçün imtahandan xaric olunub və nəticələri ləğv edilib. Bundan əlavə, sual kitabçasını özü ilə aparan 4 nəfərin nəticəsi araşdırılır.

21 Fev 2022
Elmi

Təhsil naziri Gürcüstanda tədrisi Azərbaycan dilində olan məktəblərin sayının azalmasına münasibət bildirib

"Məktəblərin sayına və keyfiyyətinə təsir edən müxtəlif amillər var. Bu amillərin bəziləri obyektiv, bəziləri isə subyektiv səbəblərlə bağlıdır".

21 Fev 2022
Elmi

Azərbaycanla Gürcüstan arasında ali təhsil sahəsində əməkdaşlıq müzakirə olunub

Gürcüstanda rəsmi səfərdə olan təhsil naziri Emin Əmrullayev İvane Cavaxişvili adına Tbilisi Dövlət Universitetinə (TDU) baş çəkib.