Dekabrın 13-də Azərbaycan Milli Elmlər Akademiyasında (AMEA) Əməkdar Elm Xadimi, akademiyanın müxbir üzvü, iqtisad elmləri doktoru, professor Aqil Əliyevin anadan olmasının 90 illik yubileyinə həsr edilən elmi sessiya keçirilib.
AZƏRTAC xəbər verir ki, AMEA-nın prezidenti, akademik Akif Əlizadə görkəmli alimin yubileyinin Azərbaycan Prezidenti İlham Əliyevin “Aqil Əliyevin 90 illik yubileyinin keçirilməsi haqqında” 2016-cı il 8 dekabr tarixli Sərəncamına əsasən təşkil olunduğunu söyləyib. A.Əlizadə Azərbaycan iqtisad elminin görkəmli nümayəndəsi Aqil Əliyevin zəngin elmi yaradıcılığından, əsərlərinin əhəmiyyətindən, yüksək insani keyfiyyətlərindən söz açıb.
Tədbirdə “Cəmiyyətşünaslığın iqtisadi əsaslarının sosial konsepsiyası” mövzusunda məruzə ilə çıxış edən AMEA-nın vitse-prezidenti, Milli Məclisin deputatı, akademik İsa Həbibbəyli bildirib ki, ölkəmizdə ictimai və humanitar elmlərin əsas istiqamətini təşkil edən cəmiyyətin inkişafı məsələləri elmdə müxtəlif aspektlərdə araşdırılır. Aqil Əliyevin cəmiyyətin inkişafında sosial sahənin roluna və əhəmiyyətinə həsr edilən qiymətli elmi əsərləri ilə iqtisad elmindəki boşluqlar aradan qaldırılıb.
Elmi sessiyada “İqtisadi inkişaf və ictimai rifah”, “Əhalinin həyat səviyyəsi və keyfiyyətli problemlərinin tədqiqi sahəsində görkəmli iqtisadçı alim”, “Aqil Əliyevin elmi-pedaqoji və ictimai fəaliyyəti” və digər mövzularda məruzələr dinlənilib.
3 dekabr-Beynəlxalq Əlillər Günü Xaçmaz Rayon İcra Hakimiyyətinin başçısı Elnur Rzayev Xaspoladoba kəndində Vətən müharibəsi qazisi Sənan Zakir oğlu Əhmədovu evində ziyarət edib.
Xarici işlər naziri Ceyhun Bayramov ATƏT-in Nazirlər Şurasının Stokholmda keçirilən 28-ci iclasında iştirakı çərçivəsində ATƏT-in baş katibi Helqa Şmid ilə görüşüb.
"Vətənə qayıdış yaxınlaşır. İnsanlar tələsir. Anlaşılandır".
“Ali təhsil sahəsində yeni mərhələ olaraq Türkiyə-Azərbaycan birgə universitetinin yaradılması istiqamətində danışıqlara başlanılıb. Bu universitet Türkiyə və Azərbaycanda təhsil sahəsində bir-iki illik layihə deyil, dayanıqlı təşəbbüs olacaq”.
