Görkəmli alim Aqil Əliyev Azərbaycan iqtisadiyyatının və təhsilinin inkişafına layiqli töhfələr verib

Görkəmli alim Aqil Əliyev Azərbaycan iqtisadiyyatının və təhsilinin inkişafına layiqli töhfələr verib
24 Dek 2016 10:53

Naxçıvan Dövlət Universitetində görkəmli alim Aqil Əliyevin anadan olmasının 90 illik yubileyi münasibətilə elmi-praktik konfrans keçirilib.

AZƏRTAC xəbər verir ki, tədbirdə çıxış edən universitetin rektoru, AMEA-nın müxbir üzvü Saleh Məhərrəmov elmi-praktik konfransın Azərbaycan Respublikasının Prezidenti İlham Əliyevin “Aqil Əliyevin 90 illik yubileyinin keçirilməsi haqqında” 2016-cı il dekabrın 8-də imzaladığı Sərəncama uyğun olaraq keçirildiyini deyib.

Rektor bildirib ki, Aqil Əliyev səmərəli elmi-pedaqoji fəaliyyəti ilə Azərbaycan iqtisadiyyatının və təhsilinin inkişafına layiqli töhfələr verib. Azərbaycan iqtisad elminin görkəmli nümayəndəsi olan Aqil Əliyevin əsas elmi fəaliyyəti kənd təsərrüfatının maddi-texniki bazasının inkişafına, kənd əhalisinin sosial rifahının yüksəldilməsinə, səhiyyənin iqtisadi problemlərinin həllinə yönəlib. Onun tədqiqatlarında səhiyyə ilə iqtisadi inkişaf arasında qarşılıqlı əlaqə məsələləri xüsusi yer tutub.

Vurğulanıb ki, o, məhsuldar elmi tədqiqatlarla yanaşı, pedaqoji fəaliyyətlə də məşğul olub. Alim uzun müddət Azərbaycan Tibb Universitetində siyasi iqtisadiyyatdan mühazirələr oxuyub, kafedra müdiri vəzifəsində çalışıb.

Sonra AMEA Naxçıvan Bölməsinin sədri, akademik İsmayıl Hacıyevin “Aqil Əliyev görkəmli elm xadimi kimi”, Naxçıvan Dövlət Universitetinin iqtisad fakültəsinin dekanı Mehdi Bağırovun “Aqil Əliyev Azərbaycan iqtisad məktəbinin tanınmış simalarından biri kimi”, Naxçıvan Dövlət Universitetinin dünya iqtisadiyyatı kafedrasının müdiri Ceyhun Mahmudovun “Azərbaycan iqtisad elminin inkişafında Aqil Əliyev töhfələri”, AMEA Naxçıvan Bölməsinin Təbii Ehtiyatlar İnstitutunun iqtisadiyyat şöbəsinin böyük elmi işçisi Sevinc Cabbarovanın “Aqil Əliyev və məhsuldar qüvvələr nəzəriyyəsi” mövzularında çıxışları olub.

Çıxışlarda qeyd edilib ki, ölkəmizdə ictimai və humanitar elmlərin əsas istiqamətini təşkil edən cəmiyyətin inkişafı məsələləri elmdə müxtəlif aspektlərdə araşdırılır. Görkəmli alim Aqil Əliyevin cəmiyyətin inkişafında sosial sahənin roluna və əhəmiyyətinə həsr edilən qiymətli elmi əsərləri ilə iqtisad elmindəki boşluqlar aradan qaldırılıb. O, bu həssas istiqamətdə baş verən prosesləri təqdim etmək üçün sosial siyasətdən daha çox sosial həyatın reallıqlarını öyrənib ümumiləşdirməyə üstünlük verib. Görkəmli alim insanın sosial həyatını onun cəmiyyətdəki yeri və rolu ilə əlaqəli araşdırıb, ümumiləşdirmələr aparıb və elmi nəticələr çıxarıb. Beləliklə, elmdə Azərbaycan cəmiyyətinin sosial siması müəyyənləşdirilib. Aqil Əliyevin ölkəmizdə sosial sahənin iqtisadiyyatına həsr olunan əsərləri geniş mənada cəmiyyətin aktual məsələlərinin tədqiqinə xidmət edir. O, böyük iqtisadçı alim, mahir pedaqoq, yaxşı təşkilatçı olmaqla yanaşı, həm də qayğıkeş insan idi.


25 Yan 2022
Cəmiyyət

Astaraçay üzərində yeni körpünün təməli qoyulub

İranla Azərbaycan arasında Astaraçay üzərində yeni avtomobil körpüsünün təməli qoyulub.

25 Yan 2022
Cəmiyyət

Yanvar-fevral ayları üzrə Şuşaya avtobus biletləri tam satılıb

Bu ilin yanvar-fevral ayları üzrə Bakı-Şuşa-Bakı müntəzəm avtobus reyslərinə biletlər tam satılıb.

25 Yan 2022
Cəmiyyət

Dayanma, durma qaydalarının pozulmasına görə cərimələr artırlır

Azərbaycanda dayanma, durma, parklanma, o cümlədən ödənişli parklanma ilə tənzimləmənin təkmilləşdirilməsi və bu sahədə olan bəzi cərimələrin artırılması təklif olunur.

25 Yan 2022
Cəmiyyət

Azərbaycanda “Hərbi qulluqçuların statusu haqqında” yeni qanun layihəsi hazırlanıb

İş planına “Hərbi qulluqçuların statusu haqqında” qanun layihəsinin daxil edildiyini deyən komitə sədri sənədin yüksək səviyyədə hazırlandığını, müvafiq dövlət qurumlarından müsbət rəylərin verildiyini bildirib.

25 Yan 2022
Cəmiyyət

Daşaltı cəngavərləri danışır: “Düşmənlə 100 metr məsafədə qarşı-qarşıya gəldik” - FOTO

Azərbaycanın müstəqilliyinin bərpasından sonra ordunun könüllülərdən ibarət birləşməsinin ilk hərbi əməliyyatı hesab edilən “Daşaltı əməliyyatı”ndan 30 il keçir.