Martın 9-da Avropa İttifaqının Şərq Tərəfdaşlığı Proqramının “Potensialın gücləndirilməsi” layihəsi çərçivəsində “Böyük idman tədbirləri zamanı sərnişin və mal axınının idarə edilməsi” mövzusunda təlim öz işinə başlayıb.
Dövlət Gömrük Komitəsinin mətbuat xidmətindən AZƏRTAC-a bildirilib ki, Dövlət Gömrük Komitəsi Gömrük Nəzarətinin Təşkili Baş İdarəsinin rəis müavini Rauf Məmmədov beynəlxalq tədbirlərin, kütləvi idman oyunlarının keçirilməsində, o sıradan təşkilati məsələlərin idarə edilməsində ölkəmizin müvafiq orqanları və Dövlət Gömrük Komitəsi əməkdaşlarının kifayət qədər təcrübə topladığını bildirib. Qeyd edilib ki, əldə olunan nailiyyətlərlə yanaşı, Avropada və dünyada bu sahədəki ən son yeniliklərlə tanış olmaq, bilik və bacarıqları təkmilləşdirmək baxımından adı çəkilən təlim gömrükçülər üçün xüsusi əhəmiyyət daşıyır.
Şərq Tərəfdaşlığı Proqramının layihə rəhbəri Darius Mroviec Azərbaycana səfərindən məmnunluq duyduğunu bildirib və rəhbərlik etdiyi layihə barədə məlumat verərək təlimin gömrük orqanları üçün əhəmiyyətindən danışıb.
İki gün davam edəcək təlim zamanı beynəlxalq ekspertlər Tadeus Senda və Tomas Mıchalak iştirakçılara kütləvi idman tədbirləri zamanı gömrük sərhədindən keçən idmançılar, jurnalistlər, sərnişinlər, mallar barədə müfəssəl qiymətləndirilmənin aparılması, resursların balanslaşdırılması və bölüşdürülməsi, idarəetmə strukturları, qurumlararası və beynəlxalq əməkdaşlıq, mümkün böhran vəziyyətlərinin idarə edilməsi və digər mövzularda məlumat verəcəklər.
Təlimdə Dövlət Gömrük Komitəsinin müxtəlif idarələrinin 20-dək əməkdaşı iştirak edir.
İqtisadiyyat naziri Mikayıl Cabbarov Yurgen Riqterink ilə görüşüb.
Rusiyanın Primorye diyarının Lesozavodsk şəhərində buzlu yağış səbəbindən fövqəladə vəziyyət elan edilib.
“Azərbaycanda vergi güzəştlərinin hazırlanması metodologiyası üzərində iş gedir”.
Dünyada hərbi münaqişələrin geniş vüsət alması şəraitində dünya iqtisadiyyatında gərginlik və risklər artmaqda davam edir, bunu nəzərə alaraq bu gün müzakirəyə çıxarılan 2024-cü ilin Azərbaycanın dövlət büdcəsi layihəsi mürəkkəb qlobal şəraitə təsadüf edir.
