Gənclərə “Xilas olunmuş eksponatlar” haqqında məlumat verildi

Gənclərə “Xilas olunmuş eksponatlar” haqqında məlumat verildi
27 Dek 2016 09:00

Binəqədi Rayon İcra Hakimiyyəti, Binəqədi Rayon Gənclər və İdman İdarəsi və Azərbaycan Xalça Muzeyinin birgə təşkilatçılığı ilə Binəqədi Rayon Gənclər Evində "Xalçaçılıq sənətini yaşat və təbliğ et" adlı layihənin III seminarı keçirilib.

Tədbirdə Binəqədi rayon Gənclər və İdman İdarəsinin əməkdaşı Ülviyyə Usubova, Azərbaycan Xalça Muzeyinin mətbuat katibi Fuad Rəsul, Muzeyin  Şuşa filialının  müdiri Səbinə Əzizova həmçinin Bakı Humanitar Kollecin tələbələri, rayon gəncləri və ASAN könüllüləri iştirak edib.

Tədbiri Binəqədi Rayon Gənclər və İdman İdarəsinin əməkdaşı Ülviyyə Usubova giriş nitqi ilə açaraq qonaqları salamlayıb. O bildirib ki, Azərbaycan xalq - tətbiqi sənəti olan xalçaçılıq,  xalqımızın mədəniyyət tarixində özünəməxsus yer tutub və tarixən böyük inkişaf yolu keçib.

Sonra Azərbaycan Xalça Muzeyinin mətbuat katibi, layihənin koordinatoru Fuad Rəsul layihənin mahiyyəti və əhəmiyyəti barədə məlumat verib. O bildirib ki, layihənin məqsədi ölkəmizin bütün bölgələrində Azərbaycan xalqının sevə-sevə yaşatdığı, əsrlər boyu qoruduğu qədim sənət növü olan xalçaçılıq tarixinin öyrənilməsi, unudulmaqda olan xalça sənətinin dirçəlişi və gənc nəsillərə təbliğ olunmasıdır. Natiq qeyd edib ki, xalçalarımızın milli funksiyasını, hər bir elementinin fəlsəfəsini, səmavi mahiyyətini, eyni zamanda irsi daşıyıcımız olduğunu qabartmalı və dünyaya nümayiş etdirməliyik. Naxışlarımızda, ilmələrimizdəki bəzəyi, milli refleksə, genetik kodlarımıza çevirməliyik.

Azərbaycan Xalça Muzeyi Şuşa filialının  müdiri Səbinə Əzizova Qarabağ və Təbriz qrupuna  aid olan xalça və xalça məmulatları” haqqında geniş məruzə ilə çıxış edib, gəncləri maraqlandıran sualları cavablandırıb. Həmçinin, "Xilas olunmuş eksponatlar" adlı jurnal da gənclərə təqdim olunub.

Qeyd edək ki, layihənin sonunda iştirakçı gənclər Azərbaycan Xalça Muzeyini ziyarət edəcək və onlara əyani olaraq eksponatlar haqqında geniş məlumatlar veriləcək. Həmçinin layihəni uğurla başa vuran gənclərə sertifikat təqdim olunacaq.


27 Noy 2021
Cəmiyyət

İşğaldan azad edilən Füzulinin Qoçəhmədli kəndi - VİDEO

Müdafiə Nazirliyi Füzuli rayonunun Qoçəhmədli kəndindən video yayımlayıb. 

27 Noy 2021
Cəmiyyət

Bakıda Beynəlxalq Sosial Sahibkarlıq Forumu keçirildi - FOTO

Azərbaycan Respublikası Gənclər Təşkilatları Milli Şurasının təşkilatçılığı, Avropa Komissiyasının “Erasmus+” proqramı tərəfindən maliyyələşdirilən və sosial sahibkarlığın inkişafına yönəlmiş “Start it Up, Keep it Up” layihəsi çərçivəsində 16-19 noyabr tarixlərində Beynəlxalq Sosial Sahibkarlıq Forumu baş tutub.   

27 Noy 2021
Cəmiyyət

Xəzər dənizində zəlzələ qeydə alınıb

Noyabrın 27-də Xəzər dənizində zəlzələ baş verib.

27 Noy 2021
Cəmiyyət

Xəzərdə zəlzələ oldu

Noyabrın 27-də Xəzər dənizində zəlzələ baş verib.

27 Noy 2021
Cəmiyyət

Orduxan Qəhrəmanzadə Azərbaycan Tələbə Gənclər Təşkilatları İttifaqının yeni Baş katibi təyin olunub

26 noyabr tarixində Azərbaycan Tələbə Gənclər Təşkilatları İttifaqının (ATGTİ) İdarə Heyətinin görüşü keçirilib.