Fuad Əlizadə: Azərbaycanda uşaq əməyinin istismarı və məcburi əməyə cəlb etmə minimuma enib

Fuad Əlizadə: Azərbaycanda uşaq əməyinin istismarı və məcburi əməyə cəlb etmə minimuma enib
23 2017 12:29

Əmək və Əhalinin Sosial Müdafiəsi Nazirliyi (ƏƏSMN) yanında Dövlət Əmək Müfəttişliyi Xidmətinin rəisi Fuad Əlizadə ABŞ-ın ölkəmizdəki səfirinin siyasi işlər üzrə müşaviri Devid Börnstyinlə görüşüb.

Bu barədə Trend-ə Nazirliyin İctimaiyyətlə əlaqələr şöbəsindən məlumat verilib.

F.Əlizadə bildirib ki, Azərbaycanda fəaliyyət göstərən əmək müqaviləsi bildirişi üzrə elektron informasiya sistemi digər mühüm üstünlükləri ilə yanaşı, uşaq əməyinin istismarı hallarının qarşısının alınmasında da xüsusi əhəmiyyət daşıyır. Sistem ölkənin əmək qanunvericiliyində nəzərdə tutulmuş yaş həddindən, yəni 15 yaşdan aşağı olan şəxslərlə əmək müqaviləsi bağlanması faktını avtomatik şəraitdə dərhal aşkar edir və belə müqavilələrin rəsmiləşdirilməsinə imkan vermir. Bununla bağlı bildirişlər sistemdə heç bir halda qeydiyyat üçün qəbul edilmir.

Uşaq əməyinin istismarı və məcburi əməyə cəlb etmə hallarına qarşı mübarizə mövzusuna həsr olunmuş görüşdə Xidmət rəisi ölkə qanunvericiliyində uşaq əməyinə münasibətin beynəlxalq normalara uyğun hüquqi əsaslarının formalaşdığını vurğulayıb: “Beynəlxalq Əmək Təşkilatının (BƏT) Azərbaycan tərəfindən ratifikasiya olunmuş “Minimum Yaş həddi haqqında” 138 nömrəli Konvensiyasına uyğun olaraq, Azərbaycan Respublikasının Əmək Məcəlləsində uşaqların işə qəbulu üçün minimum yaş həddi 15 yaş müəyyən edilib. 15 yaşına çatmamış şəxslərin işə, habelə onların həyatına, sağlamlığına və ya mənəviyyatına təhlükə törədə bilən fəaliyyətə cəlb edilməsinə görə isə ölkəmizin İnzibati Xətalar Məcəlləsində cəza tədbirləri nəzərdə tutulub. Qeyd olunan Konvensiyadakı prinsiplər nəzərə alınaraq, Əmək Məcəlləsində yaşı 18-dən az olan işçilərin əməyindən istifadənin xüsusiyyətləri, onlar üçün əlavə təminatlar, güzəştlər də əksini tapıb. Eyni zamanda, 15 yaşından 18 yaşınadək şəxslərlə əmək müqaviləsi bağlanarkən onların qanuni nümayəndələrinin (valideynlərinin və ya övladlığa götürənlərin, qəyyumlarının, yaxud qanunla onları əvəz edən şəxslərin) yazılı razılığı tələb edilir”.

F.Əlizadə həmçinin məcburi əməyə cəlb etmə hallarının Azərbaycan qanunvericiliyində birmənalı olaraq qadağan olunduğunu diqqətə çatdırıb, normativ-hüquqi aktlarda bununla əlaqədar əksini tapan müddəalar barədə məlumat verib. O, uşaq əməyinin istismarı və məcburi əməyə cəlb etmə hallarına qarşı mübarizə sahəsində təbliğat-maarifləndirmə xarakterli tədbirlərə də xüsusi önəm verildiyini qeyd edib, bu sahədə aparılan işlərdən bəhs edib: “Ümumilikdə aparılan fəal dövlət siyasəti və aidiyyatı qurumlarla əməkdaşlıq şəraitində həyata keçirilən tədbirlər nəticəsində ölkəmizdə uşaq əməyinin istismarı və məcburi əməyə cəlb etmə hallarının sayı son illərdə minimuma enib”.

D.Börnstyin Azərbaycanda uşaq əməyinin istismarı və məcburi əməyə cəlb etmə hallarının qarşısının alınması üçün görülən işlərin, xüsusən bu sahədə geniş təbliğat-maarifləndirmə tədbirlərinin məmnunluq doğurduğunu vurğulayıb. O, Azərbaycanda tətbiq olunan əmək müqaviləsi bildirişi üzrə elektron informasiya sistemini də yüksək dəyərləndirib, sistemin əmək münasibətlərinə və ümumən əmək bazarına daha operativ və obyektiv nəzarəti həyata keçirməyə imkan verməsinin xeyli önəmli olduğunu bildirib.

Görüşdə uşaq əməyinin istismarına, məcburi əməyə cəlb olunma hallarına qarşı mübarizə sahəsində görülən işlərə və qarşıda duran vəzifələrə dair fikir mübadiləsi aparılıb.


17 Apr 2025
Cəmiyyət

Beş paytaxt məktəblisi buraxılış imtahanlarında maksimum nəticə göstərib

Bakı Şəhəri üzrə Təhsil İdarəsinin (BŞTİ) tabeliyindəki ümumi təhsil məktəblərinin beş şagirdi buraxılış imtahanlarında maksimum nəticə göstərib.

17 Apr 2025
Cəmiyyət

Azərbaycana 16 ölkədən qızıl idxal edilib

2025-ci ilin yanvar-fevral ayları ərzində Azərbaycana 1 milyard 422.1 milyon ABŞ dolları dəyərində 15 min 868.46 kiloqram qızıl idxal edilib.

17 Apr 2025
Cəmiyyət

XI siniflərin buraxılış imtahanının nəticələri açıqlanıb, 20 nəfər maksimum bal toplayıb

Tam (11 illik) orta təhsil səviyyəsi üzrə martın 9-da keçirilən buraxılış imtahanının nəticələri elan olunub.

17 Apr 2025
Cəmiyyət

Güclü külək nəticəsində Bakıda 368 ağac sınıb, 55-i zədələnib

Bakı və Abşeron yarımadasında ardıcıl iki gün güclü küləklə müşayiət olunan leysanla bağlı şəhər kommunal xidmətləri xüsusi gücləndirilmiş iş rejimində çalışırlar.

17 Apr 2025
Cəmiyyət

Sabah hava necə olacaq? - 18.04.2025

Azərbaycan ərazisində aprelin 18-nə gözlənilən hava şəraiti haqqında proqnoz açıqlanıb.