Martın 6-dan başlayaraq Fransanın hava limanlarında işçilərin tətil etməsi səbəbindən 300 -ə yaxın aviareys təxirə salınacaq.
AZƏRTAC “World Breaking News” saytına istinadla xəbər verir ki, tətilə səbəb Fransanın “Brest”, “Bordo” və “Eks-an-Provans” hava limanlarının əməkdaşlarının iş saatlarının azaldılması və iş şərtlərinin yaxşılaşdırılması tələbidir.
Məlumatda qeyd olunur ki, təkcə bu gün ümumi uçuşların 4 faizi təxirə salınıb.
“Air France” aviaşirkəti öz reyslərinin 20 faizini təxirə salıb. Tətilin ikinci günündə Nitsa və Marsel hava limanları uçuşları təxirə salacaq. Tətil martın 10-na kimi davam edəcək. Həmin günədək Paris aeroportlarında da uçuşların təxirə salınacağı gözlənilir.
Yaponiyanın Baş naziri Fumio Kişida mayın 1-dən 6-dək Fransa, Paraqvay və Braziliyaya səfər edəcək.
Hindistanın şimal-şərq hissəsində yerləşən Arunaçal Pradeş ştatında torpaq sürüşməsi ciddi fəsadlara səbəb olub.
