Formula-1 üzrə Azərbaycan Qran-prisinə 48 ölkədən bilet alınıb

Formula-1 üzrə Azərbaycan Qran-prisinə 48 ölkədən bilet alınıb
11 2017 16:55

Formula-1 üzrə Azərbaycan Qran-prisini izləmək üçün Azneft dairəsinin qarşısında yerləşən Filarmoniya tribunasında bütün yerlər satılıb. 

Bu barədə “Report”a yarışının təşkilatçısı olan Bakı Şəhər Halqası Əməliyyat Şirkətindən (BŞH) məlumat verilib.

BŞH-nin Kommersiya şöbəsinin rəhbəri Bülənt Özərdim bunu Azərbaycan Qran-prisinə yaxınlaşdıqca yarışa marağın artması ilə izah edib. O, biletlərin satışında qısa müddət ərzində yüksək artım gözlədiklərini söyləyib: “Yarışa 75 günün qaldığı ərəfədə tribunaların birində bütün biletlərin satılması çox sevindirici haldır. Bu, yarışa həm xaricdən, həm də ölkə daxilindən böyük marağın olduğunu göstərir. Yaxın günlərdə yarış həftəsonu axşamlarında iştirak edəcək dünya ulduzlarının adlarını açıqlayacağıq. Bundan başqa, ötən həftədən etibarən 2-16 yaş qrupunda olan azyaşlı tamaşaçılar üçün dördgünlük endirimli biletlərin satışına başlamışıq. Nəticədə biletlərin satışında qısa müddət ərzində yüksək artım gözləyirik”.

23 - 25 iyudan keçiriləcək Formula-1 Azərbaycan Qran-prisində tamaşaçılar üçün müxtəlif biletlər, o cümlədən, bir, iki və dördgünlük biletlər təklif olunur. Dördgünlük biletlərin ümumi qiyməti tribunadan asılı olaraq 250 - 690 manat arasında dəyişir. Azyaşlılar üçün bütün tribunalara təklif olunan dördgünlük biletlər 175 - 480 manat təşkil edir.

Dördgünlük bileti olan tamaşaçılar Azərbaycan Qran-prisi ilə əlaqədar keçiriləcək bütün yarış sessiyalarını izləməklə yanaşı, cümə axşamı baş tutacaq Pit Yolu gəzintisində və həmçinin, yarış həftəsonu ərzində dənizkənarı bulvar ərazisində təqdim olunan bütün əyləncə proqramlarında da iştirak edə biləcəklər.

İndiyədək Azərbaycan da daxil olmaqla Bakıda keçirilən növbəti Formula-1 yarışına ümumilikdə 48 ölkədən bilet alınıb. Satılan biletlərin 34 %-i Azərbaycanın payına düşür. Qalan 66 %-lik hissə isə xaricdən alınıb. İlk “onluğ”a daxil olan ölkələr bunlardır: Rusiya, Böyük Britaniya, Ukrayna, Gürcüstan, Avstriya, Finlandiya, Birləşmiş Ərəb Əmirlikləri, Qazaxstan, ABŞ və Almaniya.

Satılan biletlərdə fərdi müştərilərlə yanaşı, korporativ müştərilər də böyük paya sahibdirlər.

Qeyd edək ki, azarkeşlər Bakıda keçiriləcək Azərbaycan Qran-prisini tribuna və ayaqüstü zonalardan izləyə biləcəklər. Tribunaların ümumi tutumu 18 min yerdir və ayaqüstü zonalar da azı 10 min tamaşaçını qəbul edə biləcək genişlikdədir.


27 May 2024
İdman

Sərbəst güləş üzrə milli komandamız Gürcüstanda keçirilən turnirdə yeddi medal qazanıb

Gürcüstanın Qori şəhərində sərbəst güləş üzrə "Şxireli Kuboku" turniri keçirilib.

27 May 2024
İdman

Lamiyə Vəliyeva Azərbaycanın paralimpiya tarixinə düşüb

Karyerasında 4-cü dəfə dünya çempionu olan paraatlet Lamiyə Vəliyeva Azərbaycanın paralimpiya tarixinə düşüb.

27 May 2024
İdman

Cüdoçularımız Avropa Kubokunun ilk günündə 3 medal qazandı

25 mayda Portuqaliyanın Koimbra şəhərində yeniyetmələr arasında Avropa Kuboku turnirinin ilk gününə start verilib.

27 May 2024
İdman

Türkiyə Super Liqası: "Qalatasaray" çempion oldu

"Qalatasaray" klubu Türkiyə Super Liqasında yenidən çempionluğunu qeyd edib.

27 May 2024
İdman

Azərbaycan çempionu: "Düşünürəm ki, buna layiqik"

11-ci dəfə çempion olduq. Düşünürəm ki, buna layiqik".