Estoniya gimnaziyalarında Azərbaycan və Türkiyənin tarixi, mədəniyyəti və təbiəti ilə bağlı layihəyə start verilib

Estoniya gimnaziyalarında Azərbaycan və Türkiyənin tarixi, mədəniyyəti və təbiəti ilə bağlı layihəyə start verilib
15 Dek 2016 10:19

Tallin şəhərində fəaliyyət göstərən “Tallinn Pae” gimnaziyasında “Aydan” Estoniya-Azərbaycan Mədəniyyət Mərkəzinin təşəbbüsü, eləcə də Azərbaycan və Türkiyənin bu ölkədəki səfirlikləri, Estoniya Mədəniyyət Nazirliyi, “MISA” İnteqrasiya və Miqrasiya Fondu və Tallin Şəhər İcra Hakimiyyətinin “Peaceful home” layihəsinin dəstəyi ilə “Azərbaycan və Türkiyə tarixi, mədəniyyəti və təbiəti ilə tanışlıq” adlı layihənin başlanması münasibətilə tədbir keçirilib.

Müəllim və yuxarı sinif şagirdlərinin iştirak etdiyi tədbirdə gimnaziyanın direktoru İzabella Riytsaar, Azərbaycan və Türkiyənin bu ölkədəki səfirliklərinin nümayəndələri, “Aydan” Estoniya-Azərbaycan Mədəniyyət Mərkəzinin rəhbəri Niyazi Hacıyev və “MISA” Estoniya İnteqrasiya və Miqrasiya Fondunun təmsilçisi çıxış ediblər.

Çıxışlarda əsas diqqət multikulturalizmin Azərbaycan modeli, tolerantlıq, Qafqaz Albaniyası kimi mövzulara yönəldilib.

Daha sonra Azərbaycan səfirliyi tərəfindən gimnaziyanın direktoru İzabella Riytsaara ölkəmizin milli musiqi alətləri və xalça nümunəsini özündə təcəssüm etdirən suvenir təqdim olunub, eləcə də bir sıra kitab və nəşrlər gimnaziyaya hədiyyə edilib.

Tədbir Azərbaycan diasporunun bazar günü məktəbinin rəhbəri Şahsənəm Əliyevanın ölkəmiz haqqında təqdimatı ilə davam etdirilib.

Layihə çərçivəsində Estoniyanın bir neçə gimnaziyasında yuxarı sinif şagirdlərinin esse, sual-cavab və digər müsabiqələrdə iştirakı nəzərdə tutulub.

Silsilə tədbirlər Estoniyanın iki böyük şəhəri - Tartu və Tallinin “Hugo Treffner”, “Nõo Science” və “Kadriorg German” gimnaziyalarında da təşkil olunacaq.


31 Yan 2022
İqtisadiyyat

Azərbaycandan pambıq ipliyinin ixracı üç dəfədən çox artıb

2021-ci il ərzində Azərbaycanın ixracı 22,2 mlrd. ABŞ dolları, qeyri-neft sektoru üzrə 2,7 mlrd. ABŞ dolları təşkil edib.

24 Yan 2022
İqtisadiyyat

Azərbaycanın qiymətli kağızlar bazarı 20% böyüyüb

2021-ci ildə Azərbaycanın qiymətli kağızlar bazarında 16 879,3 milyon manatlıq əməliyyat aparılıb.

22 Yan 2022
İqtisadiyyat

Manatın məzənnəsi ilə bağlı proqnoz AÇIQLANDI

Güman edirik ki, Azərbaycan manatın ABŞ dollarına qarşı 1 dollar/1,7 manat səviyyəsində olan sərt bağlılığını qoruyub saxlayacaq.

14 Yan 2022
İqtisadiyyat

Azərbaycan nefti ucuzlaşıb

Dünya bazarında “Azeri Light” (CIF) markalı neft ucuzlaşıb.

13 Yan 2022
İqtisadiyyat

"33 ölkənin adı keçən siyahıda Azərbaycan 18-ci yerdədir"

Azərbaycanın yerüstü su ehtiyatlarının 30 faizi ölkə ərazisində, 70 faizi isə qonşu ölkələrin ərazisində formalaşır.