Ermənilər cəbhə xəttində təxribat cəhdlərini davam etdirmək üçün Azərbaycan Ordusunun mövqelərində qurulmuş kameralara uzaq məsafədən müdaxilə etməklə sıradan çıxarmağa çalışırlar.
“AzeriDefence”nin məlumatına görə, son aylarda bu cür hallar Qarabağ cəbhəsinin müxtəlif istiqamətlərində – xüsusilə də aprel döyüşləri zamanı düşməndən geri alınmış mövqelərdə yaşanır.
Belə ki, erməni hərbçilər Azərbaycan Ordusunun mövqelərində müşahidə aparmaq üçün qurulan kameralara güclü lazer şüası yönləndirərək onları sıradan çıxarmağa çalışırlar.
“AzeriDefence”nin apardığı araşdırmalara görə, ermənilərin kameralara qarşı istifadə etdiyi lazer sistem “LT Pyrkal” şirkəti tərəfindən hazırlanıb. Adıçəkilən şirkətin mütəxəssisləri hələ bir neçə il əvvəl gecəgörmə kameralarına qarşı tədbir sistemini yaratdıqlarını açıqlamışdılar.
Qeyd edək ki, aprel döyüşlərindən sonra erməniləri növbəti itkilərdən qorumaq üçün ATƏT-in Minsk Qrupunun həmsədrləri cəbhə xəttində müşahidə kameralarının qurulması təşəbbüsü ilə çıxış ediblər.
Naxçıvan Muxtar Respublikasında ilk milli hərbi hissənin yaradılmasının 31-ci ildönümü münasibətilə Əlahiddə Ümumqoşun Orduda silsilə tədbirlər keçirilib.
Ermənistan silahlı qüvvələrinə məxsus PUA-nın idarəetmə stansiyası məhv edilib.
İyunun 14-ü saat 10:00-dan etibarən Ermənistan silahlı qüvvələrinin bölmələri Vedi rayonunun Arazdəyən yaşayış məntəqəsi istiqamətində yerləşən mövqelərindən Azərbaycan Ordusunun Naxçıvan Muxtar Respublikasının Sədərək rayonunun Heydərabad yaşayış məntəqəsi istiqamətində yerləşən mövqelərini yenidən müxtəlif çaplı silahlardan intensiv atəşə tutub.