Erməni zabit Azərbaycan tərəfə keçmək üçün müraciət etdi – FOTO

Erməni zabit Azərbaycan tərəfə keçmək üçün müraciət etdi – FOTO
05 Dek 2016 17:21

Erməni zabit Azərbaycana keçmək istəyir.

Oxu.Az xəbər verir ki, bir neçə gün əvvəl Ermənistan ordusunun zabiti Norayr Georgiyeviç Minosyan haqqin.az saytının xüsusi müxbiri Vahan Martirosyana müracət edərək Azərbaycan tərəfə keçməsinə kömək göstərilməsini istəyib.

Norayr Minosyan bildirib ki, Bakıda mətbuat konfransı keçirib Ermənistan silahlı qüvvələrinin sərhədyanı bölgələrdə yerləşdirilmiş qüvvələrində baş verənlər haqda danışmaq istəyir.

36 yaşlı N.Minosyan Ermənistan ordusunda baş leytenant rütbəsində xidmət edib, Naxçıvanla həmsərhəd yerləşdirilmiş 70179 nömrəli hərbi hissənin tank əleyhinə bölüyünün taqım komandiri olub. O, Hərbi Akademiyanın məzunudur, rus və ingilis dillərində bilir.

2014-cü ilin fevralında N.Minosyan saxta ittihamla həbs edilib və mühakimə olunub. Onu hərbi hissəni özbaşına tərk etməkdə ittiham ediblər. Bu ittihamla N.Minosyana 1 il həbs cəzası verilib, ancaq erməni hüquq müdafiəçilərinin təzyiqləri nəticəsində 6 ay sonra zabiti həbsdən azad etməli olublar.

N.Minosyan bildirib ki, əslində onun həbsinin səbəbi Ermənistan silahlı qüvvələrinin keçmiş Baş qərargah rəisi (hazırda prezidentin müşaviridir) Yuri Xaçaturovun oğlu ilə toqquşması olub. Xaçaturovun oğlu Qriqori Xaçaturov Ermənistan ordusunun 3-cü ordu korpusunun komandiridir. Minosyanın dediyinə görə, hətta həbsdən buraxılandan sonra da hakimiyyət onu və ailəsini təqib etməkdə davam edib. Nəicədə Norayr Minosyan ölkədən qaçmalı olub. Hazırda erməni zabit Soçidədir və Azərbaycan hakimiyyətindən xahiş edir ki, onun Bakıya gəlməsinə şərait yaratsın.

N.Minosyan, habelə öz sənədlərini və fotolarını da göndərib, xahiş edib ki, onun problemini işıqlandırsınlar və Ermənistan hakimiyyətinin mümkün təxribatlarının qarşısını alsınlar. Minosyan özünün və yaxınlarının təhlükəsizliyi üçün narahatdır, onun yaxınları hələ Yeravandadır. Erməni zabit Azərbaycan hakimiyyətinin məsələyə qarışmasını xahiş edir.


30 Mar 2020
Hərbi

Hərbi Dəniz Qüvvələrində taktiki təlim keçirilib - VİDEO

 Müdafiə naziri general-polkovnik Zakir Həsənovun təsdiq etdiyi illik plana əsasən, Xəzər dənizinin Azərbaycana aid sektorunda Hərbi Dəniz Qüvvələrinin gəmi və katerlərinin iştirakı ilə taktiki təlim keçirilib.

27 Mar 2020
Hərbi

DSX: Düşmən təxribatının qarşısı alındı

27 mart tarixində saat 12:00 radələrindən başlamaqla, Qazax rayonu istiqamətində sərhəd döyüş məntəqələrimiz və arxa hüdudda hərəkət edən təminat nəqliyyat vasitələri Ermənistanın Noyem-beryan rayonunun Boqanis kəndi yaxınlığında yerləşən Ermənistan Silahlı Qüvvələrinin bölmələri tərəfindən iriçaplı silahlardan və snayper tüfənglərindən intensiv atəşə tutulub.

27 Mar 2020
Hərbi

Azərbaycanda hərbi xidmətə çağırış müddəti uzadılır

Azərbaycanda həqiqi hərbi xidmətə çağırış müddəti uzadılır.

26 Mar 2020
Hərbi

Atəşkəs 23 dəfə pozuldu

Ermənistan silahlı qüvvələrinin bölmələri cəbhənin müxtəlif istiqamətlərində snayper tüfənglərindən də istifadə etməklə sutka ərzində atəşkəs rejimini 23 dəfə pozub.

23 Mar 2020
Hərbi

Hərbi qulluqçuların ehtiyata buraxılmasında dəyişiklik nəzərdə tutulub? - RƏSMİ

aprelin 1-dən başlayaraq qanunvericilikdə nəzərdə tutulmuş qaydada ehtiyata buraxılması planlaşdırılır.