Ərdoğan: Türkiyə ABŞ-ın Suriyada hərbi əməliyyatını dəstəkləməyə hazırdır

Ərdoğan: Türkiyə ABŞ-ın Suriyada hərbi əməliyyatını dəstəkləməyə hazırdır
07 2017 12:20

Ankara ABŞ-ın Suriyada mümkün hərbi əməliyyatını dəstəkləməyə hazırdır. 

REALPRESS.Az-ın APA-ya istinadən xəbərinə görə, bunu Türkiyə prezidenti Rəcəb Tayyib Ərdoğan “Kanal 7” telekanalının efirində deyib.

Qeyd edək ki, CNN telekanalının məlumatına əsasən, ABŞ prezidenti Donald Tramp bundan əvvəl Konqres üzvlərinə Suriyaya qarşı hərbi tədbirlərin görülməsi məsələsini nəzərdən keçirdiyini bildirib.  

“Bu bəyanat gərək söz olaraq qalmasın. Əgər hərəkətə keçiləcəksə, biz də üzərimizə düşən borcu yerinə yetirəcəyik. Biz heç kəsdən çəkinmirik. Koalisiya qüvvələri ilə oturub bölgədəki virusu aşkarlamaq istəyirik. Ondan sonra bərabər hərəkət edərik”, - deyə Ərdoğan qeyd edib.

Ərdoğan İdlibdə kimyəvi silahdan istifadə edilməsi məsələsini Rusiya prezidenti ilə müzakirə etdiyini, lakin qarşı tərəfdən konkret cavab almadığını bildirib: “Hörmətli Putin iki gündür bu işin arxasında Əsədin olduğunu anlamır və bu, çox üzücüdür”.

Xatırladaq ki, Suriya Müxalif və İnqilabi Qüvvələri Milli Koalisiyası (SMİQMK) Xan Şeyhun şəhərində törədilən kimyəvi hücum nəticəsində 80 nəfərin öldüyünü, 200-dən çox şəxsin yaralandığını bildirib. SMİQMK kimyəvi silahdan istifadə etməkdə Suriya ordusunu ittiham edib. Suriya ordusunun komandanlığı isə ittihamları rədd edərək, terrorçuları və onların havadarlarını kimyəvi silahdan istifadə etməkdə günahlandırıb.   

Rusiya Müdafiə Nazirliyinin yaydığı bəyanatda Suriya aviasiyasının İdlibdə kimyəvi silah anbarına zərbə endirdiyi bildirilib. Bəyanatda qeyd edilir ki, Suriya Hərbi-Hava Qüvvələri İdlib əyalətinin Xan Şeyhun yaşayış məntəqəsinin şərq ətrafında terrorçulara məxsus silah-sursat anbarına zərbə endirib. Həmin anbarda İraqa tədarük olunan kimyəvi silah arsenalları saxlanılıb.

Suriya XİN rəhbəri Valid Müəllem bildirib ki, silahlı qüvvələr heç vaxt dinc sakin və terrorçulara qarşı kimyəvi silahdan istifadə etməyib və istifadə etmək niyyətində deyil.


1 Mar 2024
Dünya

ABŞ hərbçiləri husilərin raketlərinə zərbələr endirib

ABŞ hərbçiləri husilərin gəmi əleyhinə raketlərinə iki zərbə endirib.

1 Mar 2024
Dünya

Rus sərhədçilər İrəvan aeroportundan çıxarılır

"Rusiya sərhədçilərinin İrəvanın "Zvartnots" beynəlxalq hava limanında mövcudluğu hakim Vətəndaş Sazişi Partiyasının gündəmindədir".

1 Mar 2024
Dünya

Zelenskinin Ermənistana səfəri baş tutmayacaq

Ukrayna Prezidenti Volodimir Zelenskinin Ermənistana səfəri baş tutmayacaq.

1 Mar 2024
Dünya

Türkiyənin bu bölgəsində qarın qalınlığı 5 metrə çatdı - FOTO

Türkiyənin bir çox şəhərində yağan güclü qar həyatı iflic edib.

1 Mar 2024
Dünya

İsrailin şimalında hava həyəcanı siqnalları səslənib

İsrailin şimalında raket atəşi təhdidindən xəbər verən hava həyəcanı siqnalları səslənib.