Elmar Məmmədyarov: Azərbaycan qardaş İslam ölkələri ilə münasibətlərini daha da gücləndirmək niyyətindədir

Elmar Məmmədyarov: Azərbaycan qardaş İslam ölkələri ilə münasibətlərini daha da gücləndirmək niyyətindədir
20 2017 10:52

Azərbaycan Respublikasının xarici işlər naziri Elmar Məmmədyarov Malayziyanın Kuala Lumpur şəhərində İslam Əməkdaşlıq Təşkilatı (İƏT) Xarici İşlər Nazirləri Şurasının fövqəladə sessiyasında çıxış edib. Nazir deyib ki, İslam mədəniyyəti və mənəvi dəyərlərini daimi əsasda bütün dünyada təşviq edən və İslam ümməti ilə güclü həmrəyliyini ifadə edən ölkə kimi Azərbaycan İƏT-in fəal siyasətinin inkişaf etdirilməsində maraqlıdır və qardaş İslam ölkələri ilə münasibətlərini daha da gücləndirmək niyyətindədir. O xatırladıb ki, Azərbaycan Prezidenti İlham Əliyev 2017-ci ilin “İslam Həmrəyliyi İli” elan olunması ilə bağlı Sərəncam imzalayıb.

Nazir bildirib ki, bir sıra müsəlman ölkələrində mövcud vəziyyətin ümumi mənzərəsi bizim hamımız üçün ciddi narahatlıq yaratmaqda davam edir. Bu, İslam həmrəyliyi üçün öhdəliyimizi yenidən təsdiq etməyin və ehtiyacı olanlara dəstəyi artırmağın zəruriliyini göstərir. Biz üzv ölkələrimizin ədalətli mövqeyinin müdafiə olunmasında qətiyyət göstərməkdə davam etməli və qeyri-müsəlman ölkələrində müsəlman qardaş və bacılarımızın hüquqlarını qorumalıyıq.

Çox təəssüf ki, Rohinqyadakı vəziyyət İslam ümməti üçün ciddi narahatlıq yaratmaqda davam edir və İƏT üzv dövlətlərindən vahid mövqe tələb edir. Biz Rakhine ştatında minlərlə müsəlmanı öz yurdlarından didərgin düşməyə məcbur edən ciddi zorakılığa və humanitar böhrana biganə qalmalı deyilik.

E.Məmmədyarov vurğulayıb ki, Ermənistanın Azərbaycan ərazisinin bir hissəsini işğal etməsinin və etnik təmizləmə faktları ilə müşayiət olunan hərbi təcavüzünün nəticəsi olaraq uzun müddətdir ki, qaçqın və məcburi köçkün problemi ilə üzləşən Azərbaycan ədalətsizlik və məşəqqətlərdən əziyyət çəkənləri yaxşı başa düşür. Buna görə, biz Rohinqyanın mülki əhalisinin öldürülməsi və həbs edilməsi, onların evlərinin və dini ibadət yerlərinin dağıdılması kimi repressiya hərəkətlərini kəskin şəkildə pisləyir və Myanma rəhbərliyini bu humanitar böhranı aradan qaldırmağa və Myanmanın müsəlman əhali yaşayan hissəsində ləyaqət və sabitliyi bərpa etməyə çağırırıq.

Nazir Sivilizasiyalar Alyansının təşəbbüskarlarından biri kimi Türkiyə Respublikasının dinlər və icmalararası dialoqun təşviq edilməsi məqsədilə buddist və müsəlman icmaları arasında görüşün keçirilməsi ilə bağlı fəaliyyətinə ölkəmizin tam dəstəyini ifadə edib. O deyib ki, bu yanaşma mühüm əhəmiyyətə malikdir və davam etdirilməlidir. Çünki bu, qarşılıqlı anlaşmanın təşviqi üçün möhkəm əsas yaradaraq daha da artıq dərəcədə müəyyənliyin yaranmasına gətirib çıxarır.

E.Məmmədyarov İƏT Kontakt Qrupunun səylərinin Myanma hökuməti və Rakhine ştatında yaşayan müsəlman icması arasında sülhün bərpa edilməsi, onların təhlükəsizliyinin qorunması və fundamental hüquqlarının təmin olunması ilə nəticələnəcəyinə inandığını ifadə edib.

Nazir qeyd edib ki, İsrail-Fələstin münaqişəsi bizim üçün ağrılı məsələdir. O, qardaş Fələstin xalqına sülh və sabitlik əldə etmək və müstəqil dövlət yaratmaq uğrunda mübarizəsində Azərbaycanın tam dəstəyini ifadə edib. E.Məmmədyarov deyib ki, Azərbaycan İsrail-Fələstin münaqişəsinin bu müqəddəs torpaqda çoxdan gözlənilən, hərtərəfli, uzunmüddətli və ədalətli sülh, təhlükəsizlik və davamlı inkişafın əldə olunmasının yeganə təminatı olan iki dövlət əsasında həllini dəstəkləyir. O, ölkəmizin İƏT tərəfindən Fələstin xalqını dəstəkləmək və Fələstin məsələsinə xidmət etmək üçün görülən işləri təqdir etdiyini deyib.


4 Dek 2020
Siyasət

İlham Əliyevdən şəhidlərimizlə bağlı paylaşım - FOTO

Prezident İlham Əliyevin “Facebook” hesabında şəhidlərimizlə bağlı paylaşım edilib.

4 Dek 2020
Siyasət

İlham Əliyev: “ÜST pandemiya ilə mübarizədə Azərbaycanı nümunəvi ölkə adlandırıb”

“Hazırda dünya pandemiyanın növbəti dalğası ilə üzləşib. Azərbaycan virusun yayılmasının qarşısını almaq məqsədilə vaxtında zəruri tədbirlər həyata keçirib. COVID-19 ilə bağlı yaranmış vəziyyətə müvafiq olaraq tərəfimizdən adekvat addımlar atılıb”.

4 Dek 2020
Siyasət

Pezident: “Azərbaycan Ordusu “Qarabağ Ermənistandır” iddiasına layiqli cavab verdi”

Son iki il ərzində Ermənistan danışıqlar prosesini məqsədyönlü şəkildə məhv edib. Ermənistanın baş naziri “Qarabağ Ermənistandır” kimi bir sıra təxribatçı bəyanatları ilə danışıqlara son qoyub. Ermənistanın müdafiə naziri “yeni ərazilər uğrunda yeni müharibə”yə çağırış edib.

4 Dek 2020
Siyasət

İlham Əliyevin BMT Baş Assambleyasının xüsusi sessiyasında çıxışı - TAM MƏTN

Dekabrın 3-də Nyu-Yorkda BMT Baş Assambleyasının COVID-19 pandemiyası ilə mübarizəyə həsr edilmiş dövlət və hökumət başçıları səviyyəsində xüsusi sessiyası keçirilib.

4 Dek 2020
Siyasət

İlham Əliyev BMT Baş Assambleyasının xüsusi sessiyasında çıxış edir - CANLI YAYIM

Dekabrın 3-də Nyu-Yorkda BMT Baş Assambleyasının Covid-19 pandemiyası ilə mübarizəyə həsr edilmiş dövlət və hökumət başçıları səviyyəsində xüsusi sessiyası keçirilib.