Eksternat qaydasında imtahan keçiriləcək

Eksternat qaydasında imtahan keçiriləcək
13 Dek 2016 16:53

Müxtəlif səbəblərdən ümumi orta təhsil səviyyəsini (IX sinif) bitirməyən şəxslər üçün 2017-ci ilin yanvarında eksternat qaydasında imtahan keçiriləcək.

Dövlət İmtahan Mərkəzinin Direktorlar Şurası tərəfindən təsdiqlənmiş “2016-2017-ci tədris ilində ümumi təhsil müəssisələrinin şagirdləri haqqında məlumatların “Şagird-məzun” sisteminə daxil edilməsi və yekun qiymətləndirmənin aparılması ilə əlaqədar şəhər (rayon) təhsil şöbələri (təhsil idarələri) və ümumi təhsil müəssisələri tərəfindən yerinə yetiriləcək işlərin Təqvim planı”na əsasən, ümumi orta təhsil səviyyəsində buraxılış imtahanlarının yeni təhsil proqramları (kurikulumları) üzrə birinci mərhələsinin keçirilməsi təmin olunacaq.

Bakı Şəhəri üzrə Təhsil İdarəsindən (BŞTİ) AZƏRTAC-a bildiriblər ki, bu məqsədlə eksternat qaydada ümumi orta təhsil haqqında sənəd almaq istəyən şəxslərin məlumatlarının fərdi identifikasiya nömrəsi (FİN) əsasında 2017-ci il yanvarın 15-dək “Şagird-məzun” sisteminə daxil edilməsi nəzərdə tutulub.

Ümumi orta təhsil kursu üzrə eksternat qaydada imtahanlarda iştirak etmək üçün 16 yaşı tamam olmuş şəxslərin ərizə qəbulu 2016-cı il dekabr 19-dan 30-dək hər həftənin I-V günləri saat 9.00-dan 18.00-dək BŞTİ-də həyata keçiriləcək.

İştirakçılar ərizəyə təhsil aldığı sonuncu məktəbdən arayış, şəxsiyyət vəsiqəsinin notarial qaydada təsdiq edilmiş surətini, 3x4 ölçüdə 2 ədəd fotoşəkil, 18 yaşına çatmış hərbi mükəlləfiyyətli şəxslər hərbi biletin və ya hərbi qulluqdan kənarda qalmağa əsas verən sənədin notarial qaydada təsdiq edilmiş surətini əlavə etməlidirlər:

Tam orta təhsil səviyyəsi üzrə (XI sinif) eksternat qaydasında imtahanların tarixi haqqında əlavə məlumat veriləcək.


25 İyun 2022
Cəmiyyət

Türkiyə Azərbaycana kərə yağı ixracını 34 dəfə artırıb

Bu ilin ilk dörd ayında Azərbaycan xaricdən 37,165 milyon ABŞ dolları dəyərində 6 min 848 ton kərə yağı alıb.

25 İyun 2022
Cəmiyyət

Bakıdan Füzuliyə yola düşən ilk müntəzəm sərnişin avtobusu mənzil başına çatıb - YENİLƏNİB + FOTO

Bakı-Füzuli istiqamətində yola düşən ilk müntəzəm sərnişin avtobusu mənzil başına çatıb.

25 İyun 2022
Cəmiyyət

Hərbi xidmətə çağırılanların NƏZƏRİNƏ

Azərbaycan Respublikasında 2022-ci ilin iyul ayında müddətli həqiqi hərbi xidmətə göndəriləcək çağırışçılar Silahlı Qüvvələr üzrə xidmət yerlərinə təyinatla bağlı Səfərbərlik və Hərbi Xidmətə Çağırış üzrə Dövlət Xidməti (SHXÇDX) tərəfindən iyunun 25-də SMS vasitəsilə məlumatlandırılıblar.

25 İyun 2022
Cəmiyyət

Sabah yağış yağacaq, şimşək çaxacaq

Azərbaycan ərazisində iyunun 26-da gözlənilən hava şəraiti haqda proqnoz açıqlanıb.

25 İyun 2022
Cəmiyyət

“Qarabağ” bu gün Rumıniya klubu ilə oynayacaq

Azərbaycan çempionu “Qarabağ” bu gün təlim-məşq toplanışında olduğu Avstriyada ilk yoxlama oyununu keçirəcək.