Ədliyyə Nazirliyi: Nuray Bayramzadənin məsələsi ilə bağlı yoxlama aparılır

Ədliyyə Nazirliyi: Nuray Bayramzadənin məsələsi ilə bağlı yoxlama aparılır
08 2017 16:53

Ədliyyə Nazirliyi Quba Rayon Məhkəməsində baş vermiş hadisə ilə bağlı məlumat yayıb.

Ədliyyə Nazirliyindən Trend-ə verilən məlumatda deyilir: "Sosial şəbəkələrdə Quba rayon icra şöbəsinin icra məmurları tərəfindən ötən ilin dekabrın 7-də yetkinlik yaşına çatmayan Nuray Bayramzadənin xalasından alınaraq atası Ə.Bayramova verilməsi barədə qanuni qüvvəyə minmiş məhkəmə qətnaməsinin icrası prosesini əks etdirən video-süjet yayımlanmışdır.

Məlumat üçün bildirilir ki, uşağın anası 2010-cu ildə vəfat etdikdən sonra onu öz qəyyumluğuna götürən xalası M.Eldarova və nənəsi F.Xudaverdiyeva Nurayı atasına verməkdən yayınmışdır. Bununla əlaqədar Ə.Bayramov 2012-ci ildə Quba Rayon Məhkəməsində iddia qaldırmış və məhkəmənin qətnaməsinə əsasən uşağın atasına verilməsi qərara alınmış, həmin qətnamə həmçinin apellyasiya və Ali məhkəmələrin qərarları ilə qüvvədə saxlanılmışdır.

Bununla yanaşı, M.Eldarovanın uşağın atasının valideynlik hüququndan məhrum edilməsi barədə məhkəmədə qaldırdığı iddiası isə əsassız olduğundan bütün instansiya məhkəmələri tərəfindən təmin olunmamışdır.

Bundan sonra uşağın atasına verilməsi barədə qanuni qüvvəyə minmiş qətnamənin icrası üzrə tədbirlər həyata keçirilərkən qarşı tərəfə edilmiş xəbərdarlıqlara, profilaktik söhbətlərə və izahlara baxmayaraq onlar məhkəmə qətnaməsini könüllü icra etməmiş, icradan qərəzli yayınmış, N.Bayramzadənin yerini gizli saxlamışlar. Bununla əlaqədar icra məmuru tərəfindən müvafiq qərar qəbul edilərək uşağın və cavabdehlərin axtarılması üzrə tədbirlər görülmüşdür.

Axtarış tədbirləri nəticəsində uşağın yeri müəyyən olunaraq icra 07.12.2016-cı il tarixə təyin edilmişdir. İcra prosesində qanunvericiliyə uyğun olaraq hər iki tərəfin, eləcə də rayon icra hakimiyyətinin, təhsil şöbəsinin qəyyumluq və himayəçilik orqanının nümayəndələri, polis əməkdaşları, psixiatr, məsləhətçi-psixoloq iştirak etmişlər.

Video-çəkilişdən göründüyü kimi, icra prosesində mübahisə uşağın atası və qarşı tərəf arasında yaranmışdır. O da bildirilir ki, icra prosesi başa çatdıqdan və tərəflər icra qurumunu tərk etdikdən dərhal sonra uşaq atası Ə.Bayramovdan zorla alınaraq xalasına qaytarılmış və həmin vaxtdan onunladır. Bu fakt hazırda Quba rayon polis şöbəsində araşdırılır.

Məsələ ilə bağlı Ədliyyə Nazirliyində xidməti yoxlama aparılır və nəticəsi üzrə qanunamüvafiq tədbirlər görüləcəkdir".


13 Avq 2022
Cəmiyyət

Müdafiə Nazirliyi: “Ordumuzun mövqeləri atəşə tutulub”

Ötən sutka ərzində erməni silahlı birləşmələri tərəfindən mövqelərimiz ümumilikdə səkkiz dəfə atəşə tutulub.

13 Avq 2022
Cəmiyyət

İslamiadanın gümüş medalçısı: “Hələ ki para-atletikada çıxış etmək barədə düşünmürəm”

“İnana bilməzdim ki, İslamiadada ikinci yeri tutaram. Emosiyalar çoxdur. Şadam ki, ölkəmin bayrağını qaldıra bildim. Təəssüf ki, birinci yeri tuta bilmədim. Ancaq Allah qoysa, növbəti yarışda birinci də olaram”.

13 Avq 2022
Cəmiyyət

“Yaxın müddətdə taxılın idxalından asılılığımız maksimum dərəcədə azalacaq” - Deputat

Ötən gün Prezident İlham Əliyev Basqal qəsəbəsində Azərbaycan Televiziyasına müsahibə verib

13 Avq 2022
Cəmiyyət

Bazar günü 41 dərəcəyədək isti olacaq

Avqustun 14-də Bakıda və Abşeron yarımadasında günəşli olacaq. Cənub-şərq küləyi əsəcək.

13 Avq 2022
Cəmiyyət

Son yeddi ay ərzində əlillik təyin olunan şəxslərin sayı AÇIQLANDI

Əmək və Əhalinin Sosial Müdafiəsi Nazirliyinin tabeliyindəki Dövlət Tibbi-Sosial Ekspertiza və Reabilitasiya Agentliyi tərəfindən 2022-ci ilin yanvar-iyul ayları ərzində 38 min 900 şəxsə əlillik təyin edilib.