Dünyada ən kiçik kardiostimulyator uğurla implantasiya olunub

Dünyada ən kiçik kardiostimulyator uğurla implantasiya olunub
07 2017 08:57

Amerika alimləri insana dünyada ən kiçik kardiostimulyatoru müvəffəqiyyətlə implantasiya ediblər.

AZƏRTAC xəbər verir ki, iri vitamin həbindən böyük olmayan qurğu (standart stimulyator ölçüsünün ondabiri boyda) ürək ritminin yavaşıması ilə xarakterizə olunan bradikardiyalı pasiyentlər üçün nəzərdə tutulub. “Mikrotranskateterli qıcıqlandırıcı sistem” (MQS) adlanan stimulyator hazırda bazarda ən mükəmməl kardiostimulyator sayılır.

Kiçik ölçüsü və düşünülmüş sistemi sayəsində səmərəli işləyən bu qurğu implantasiya əməliyyatlarını sürətlə və rahat həyata keçirməyə imkan verir. İmplantasiya düz ürəyə gedən kateter vasitəsilə həyata keçirilir, yəni dəri altına heç bir qurğu yerləşdirilmir.

Yeni qurğu pasiyentin fəallığından asılı olaraq, stimulyasiyanı avtomatik kökləməyə imkan verir. Qurğunun daha bir üstünlüyü budur ki, onun batareyası 10 il ərzində əvəzsiz işləyə bilər. İnsanın hər hansı digər kardioloji qurğuya ehtiyacı olanda, sistem sönür və yeni qurğunun müvəffəqiyyətlə implantasiya olunmasına şərait yaradır.


1 May 2020
Səhiyyə - Sağlamlıq

Cəlal İsayev: “Ölkədə epidemioloji vəziyyət vətəndaşlardan asılıdır” - ŞƏRH

Bu günə qədər Azərbaycanda COVID-19-a 1804 təsdiq edilmiş yoluxma hadisəsi qeydə alınıb. Yoluxanlardan 24 nəfəri ölüb, 1325-i sağalıb, 455-i isə xüsusi rejimli xəstəxanalarda müalicəsini davam etdirir. Aprelin 27-dən etibarən ölkədə yumşaldılmış karantin rejimi qüvvədədir. Ancaq təəssüflə qeyd etmək lazımdır ki, bir çox vətəndaşlar həm küçədə, həm də ictimai nəqliyyatda maska və əlcəklərə məhəl qoymadan elementar təhlükəsizlik tədbirlərinə əməl etmir.

30 Apr 2020
Səhiyyə - Sağlamlıq

Azərbaycanda daha 58 nəfər koronavirusdan sağaldı - RƏSMİ

Azərbaycanda koronavirus infeksiyasına yoluxmuş 58 nəfər müalicə olunaraq sağalıb və evə buraxılıb. 

30 Apr 2020
Səhiyyə - Sağlamlıq

Azərbaycanda daha bir nəfər koronavirusdan öldü - 38 yeni yoluxma

Azərbaycanda 38 yeni koronavirus infeksiyasına yoluxma faktı qeydə alınıb.

30 Apr 2020
Səhiyyə - Sağlamlıq

Bəla sovuşmayıb: Azərbaycanda koronavirusun ikinci dalğası ola bilər

Mayın 4-də Azərbaycanda xüsusi karantin rejiminin yumşaldılması gözlənilir. Fəqət, bəzi vətəndaşlarımızda ifrat nikbinlik, gərəksiz rahatlıq hissi yaranıb və onlar düşünürlər ki, COVİD-19 koronavirus pandemiyası ilə bağlı təhlükə sovuşub.