Azərbaycanda icbari tibbi sığortanın baza zərfində olan bəzi xidmətlərdə azad olma məbləği tətbiq olunacaq. İcbari Tibbi Sığorta üzrə Dövlət Agentliyinin İcbari tibbi sığorta şöbəsinin müdiri Vüqar Qurbanov APA-ya bildirib ki, kompyuter tomoqrafiya (KT), maqnit rezonans tomoqrafiya (MRT) və digər müayinələrdə sui-istifadə hallarının qarşısını almaq üçün azad olma məbləğı tətbiq olunub.
V.Qurbanov qeyd edib ki, azad olma məbləği MRT və KT müayinələrinə illik təyin edilmiş limitdən sonra tətbiq ediləcək: “KT müayinəsindən keçmək üçün sığorta olunan şəxs 10 manat, MRT müayinəsi üçün 20 manat məbləğində vəsaiti xəstəxananın kassasına ödəməlidir. Bu, həm xəstələr, həm də tibb müəssisələri tərəfindən sui-istifadə hallarının qarşısını almağa xidmət edir. Xəstə öz istəyi ilə MRT, KT kimi müayinələrdən istifadə edə bilməz. Bu müayinələr insan sağlamlığı üçün çox zərərlidir. Bir KT müayinəsi nəticəsində şüalanma rentgen müayinəsindən dəfələrlə çoxdur. Azad olma məbləği baza zərfində olan xidmətlərin az hissəsində tətbiq olunur”.
Rəqəmsal İnkişaf və Nəqliyyat Nazirliyinin tabeliyindəki Azərbaycan Yerüstü Nəqliyyat Agentliyinin (AYNA) işğaldan azad olunmuş ərazilərə təşkil etdiyi müntəzəm avtobus reyslərinə may ayı üçün biletlər 26 aprel 2024-cü il saat 11:00-da satışa çıxarılacaq.
Malıbəylidə ən azı altı nəfərə aid olduğu ehtimal edilən sümük fraqmentləri aşkar edilib.
Dövlət İmtahan Mərkəzinin aprelin 28-də ali təhsil müəssisələrinin magistraturalarına keçirəcəyi qəbul imtahanında (II cəhd) 19716 bakalavr iştirak edəcək.
