Dini radikalizmlə mübarizədə dini icmaların fəaliyyəti müzakirə olunub

Dini radikalizmlə mübarizədə dini icmaların fəaliyyəti müzakirə olunub
17 Dek 2016 09:44

Bu gün Dini Qurumlarla İş üzrə Dövlət Komitəsinin (DQİDK) və İmişli Rayon İcra Hakimiyyətinin (RİH) birgə təşkilatçılığı ilə İmişli şəhər Heydər Əliyev Mərkəzində "Dini radikalizmlə mübarizədə dini icmaların fəaliyyətinin təşkili" mövzusunda seminar-müşavirə keçirilib.

DQİDK-nın mətbuat xidmətindən Trend-ə verilən məlumata görə, tədbir Ulu Öndər Heydər Əliyevin abidəsinin önünə gül dəstələri qoyularaq xatirəsinin yad edilməsi ilə başlanıb.

Tədbirdə DQİDK sədrinin birinci müavini Səyyad Salahlı, İmişli RİH başçısı Vilyam Hacıyev, rayonun hüquq mühafizə orqanlarının rəhbərləri, İmişli şəhər “Cümə” məscidi dini icmasının sədri və axundu Adıgözəl Bəşirov, DQİDK-nın İmişli bölgəsi üzrə şöbəsinin müdiri Cavanşir Bəhrəmov və şöbənin əməkdaşları, dini icma sədrləri, din xadimləri, və ziyalılar iştirak ediblər.

Tədbir DQİDK-nın sifarişi ilə çəkilmiş “Fitnə” filminin nümayişi ilə başlanıb. Tədbirin ikinci hissəsini giriş sözü ilə açan İmişli RİH başçısı Vilyam Hacıyev çıxış edərək ölkəmizdə dini müstəvidə sabitlik və əmin-amanlığın bundan sonra da dövlətimiz üçün siyasi baxımdan prioritet məsələ olduğunu vurğulayıb. Cəmiyyətimizin, xüsusilə, gənclərin radikal təsirlərdən qorunmasında vətəndaşlarımızın üzərinə böyük məsuliyyət düşdüyünü qeyd edib.

Tədbirdə çıxış edən Dövlət Komitəsi sədrinin birinci müavini Səyyad Salahlı ölkəmizin müstəqilliyini bərpa etdikdən sonra xalqımızın milli-mənəvi dəyərlərinə qayıdışının sürətləndiyini qeyd edib. O, bu istiqamətdə Ümummilli Lider Heydər Əliyevin müstəsna xidmətlərini vurğulayaraq, milli-mənəvi dəyərlərimizin inkişafı, dini radikalizm və ekstremizmin fəsadları ilə mübarizə metodları istiqamətində həyata keçirdiyi işlərdən danışıb.

Daha sonra çıxış edən natiqlər ölkəmizdə dini müstəvidə sabitlik və əmin-amanlığın bundan sonra da dövlətimiz üçün siyasi baxımdan prioritet məsələ olacağını nəzərə çatdırıblar.

Sonda tədbir iştirakçılarına Komitə tərəfindən çapına icazə verilmiş dini ədəbiyyatlar paylanılıb.


1 Mar 2024
Cəmiyyət

Səfərbərlik və Hərbi Xidmətə Çağırış üzrə Dövlət Xidmətində YENİ TƏYİNATLAR

Səfərbərlik və Hərbi Xidmətə Çağırış üzrə Dövlət Xidmətinin Binəqədi Rayon İdarəsinin rəisi dəyişib.

1 Mar 2024
Cəmiyyət

Vilayət Eyvazov Şamaxıda vətəndaşları qəbul edəcək

Daxili işlər naziri, general-polkovnik Vilayət Eyvazov martın 28-də Şamaxı Rayon Polis Şöbəsinin binasında Şamaxı, Qobustan, Ağsu, Göyçay və İsmayıllı şəhər və rayonlarının sakinlərini qəbul edəcək.

1 Mar 2024
Cəmiyyət

ANAMA: Ötən ay azad olunan ərazilərdə 600-ə yaxın mina zərərsizləşdirilib

Azərbaycan Minatəmizləmə Agentliyi (ANAMA) işğaldan azad edilmiş ərazilərdə həyata keçirilən humanitar minatəmizləmə əməliyyatları ilə bağlı aylıq məlumat yayıb.

1 Mar 2024
Cəmiyyət

Milli Məclisin növbəti plenar iclasının gündəliyi açıqlanıb

Milli Məclisin yaz sessiyası üzrə martın 5-də keçiriləcək plenar iclasının gündəliyi açıqlanıb.

1 Mar 2024
Cəmiyyət

Hikmət Hacıyev: “Sülhə nail olmaq üçün real niyyət lazımdır”

“Sülh Bakı ilə İrəvan arasındadır, Paris, Brüssel və ya digər yerlərə bağlı deyil. İki ölkə (Azərbaycanla Ermənistan-red.) bir araya gəlib sülh müqaviləsini imzalamalıdır”.