Dərmanların keyfiyyəti qiymətləri ilə bağlıdır? - Rəsmi cavab

Dərmanların keyfiyyəti qiymətləri ilə bağlıdır? - Rəsmi cavab
20 Dek 2016 14:09

"Dərman vasitəsinin keyfiyyəti onun qiyməti ilə bağlı deyil. Rusiyadan idxal edilən dərmanların qiyməti nisbətən ucuz, Avropadan idxal edilən dərmanların qiyməti isə nisbətən baha olur".

Trend-in məlumatına görə, bunu Səhiyyə Nazirliyi Analitik Ekspertiza Mərkəzinin Əczaçılıq subyektləri üzrə iş şöbəsinin müdir müavini Pərviz Əzizbəyov bu gün keçirilən mətbuat konfransında deyib.

Onun sözlərinə görə, dərman vasitəsi dövlət qeydiyyatından keçibsə, onun keyfiyyətinə təminat verilir.

P.Əzizbəyov qeyd edib ki, dərman bazarında dövlət qeydiyyatından keçməyən dərmanlar da olur:

"Belə hallar araşdırma predmetidir. Lazımi orqanlara məlumat verilir. Nazirlər Kabineti tərəfindən dərman vasitələrinin keyfiyyəti ilə bağlı ciddi tapşırıqlar verilib. Dərman vasitələrinin keyfiyyətinə ciddi nəzarət olunmalıdır".

Mərkəzin Dərman vasitələrinin qeydiyyatı-ekspertizası şöbəsinin əməkdaşı Elmin Quliyev isə deyib ki, mərkəzə Azərbaycanda satılan hər hansı dərmanın effektsiz olması barədə məlumat daxil olmayıb.

Onun sözlərinə görə, dərmanın effektsiz olduğunu görən və yaxud onun keyfiyyətinə şübhə ilə yanaşan şəxslər mərkəzə müraciət edə bilərlər.

E.Quliyev qeyd edib ki, dərmanların keyfiyyətində onların daşınma şəraiti ilə yanaşı, saxlanma şəraiti də mühüm rol oynayır. Buna görə də dərman alan şəxs onun saxlanılması qaydalarına, xüsusilə temperatur rejiminə riayət etməlidir.

P.Əzizbəyov daha sonra qeyd edib ki, Mərkəz bu il 5 aptekdə yoxlamalar aparıb:

"Yoxlamalar keçirilən apteklərdən 2-də şikayət edilən məlumatlar üzrə faktlar öz təsdiqini tapmayıb, digər 3-də isə faktlar təsdiqini tapıb. 3 əczaçılıq müəssisəsində 81 adda 205 qutu dövlət qeydiyyatından keçməyən, keyfiyyət sertifikatı olmayan dərman vasitələri aşkarlanıb və satışdan çıxarılıb:

"Hazırda həmin dərman vasitələrinin məhv edilməsi və apteklərlə bağlı tədbir görülməsi üçün Səhiyyə Nazirliyinə müraciət edilib və müvafiq tədbirlər görüləcək. Araşdırmalardan sonra həmin apteklərin fəaliyyətinin dayandırılması ilə bağlı qərar veriləcək".


21 Fev 2024
Cəmiyyət

İşğaldan azad edilmiş ərazilərdə müasir hidrometeoroloji stansiyalar qurulub

Hidrometeoroloji şəbəkənin bərpası üzrə işğaldan azad edilmiş ərazilərdə yerüstü su ehtiyatlarının qiymətləndirilməsi məqsədilə 10 çay (Araz, Bəsitçay, Oxçuçay, Həkəriçay, Bərgüşadçay, Zabuxçay, Tutqunçay, Tərtərçay, Kircələnçay, Quruçay) üzərində 11 avtomat hidroloji stansiya yaradılıb və həmin stansiyalardan mütəmadi qaydada məlumatlar Milli Hidrometeorologiya Xidmətinin Situasiya mərkəzinə ötürülərək təhlil olunur.

21 Fev 2024
Cəmiyyət

Bakı metrosunun iş rejimində dəyişiklik edilib

Fevralın 22-dən fevralın 23-nə keçən gecə UEFA Avropa Liqasının pley-off mərhələsində mübarizə aparan “Qarabağ Futbol Klubu” MMC-nin ev oyunu ilə əlaqədar “Bakı Metropoliteni” QSC-nin iş rejimində dəyişikliklər ediləcək.

21 Fev 2024
Cəmiyyət

Gələn il Ağdama köç planlaşdırılır - AÇIQLAMA

“Gələn ay Ağdam şəhərində daha bir yaşayış məhəlləsinin inşasına başlanılması nəzərdə tutulub”.

21 Fev 2024
Cəmiyyət

Tərtərdə silah-sursat aşkar edilib

Tərtər Rayon Polis Şöbəsinin əməkdaşları tərəfindən silahların tapılaraq yığılması istiqamətində tədbirlər davam etdirilir.

21 Fev 2024
Cəmiyyət

Sabahın hava proqnozu açıqlandı

Ölkə ərazisində fevralın 22-nə gözlənilən hava proqnozu açıqlanıb.