“İcra məmurları məhkəmənin şəhid ailələrinə və Qarabağ əlillərinə xeyrinə verdiyi qərarı icra etmir, icbari sığorta məbləğini ala bilmirik. Amma icra məmurları bankların şəhid ailələrinə və əlillərə qarşı verdiyi qərarı isə icra edir”. 

Şəhid ailələri və Qarabağ əlillərinin qarşılaşdığı sosial məsələlərə həsr olunmuş mətbuat konfransında bildirilib. 

Tədbirdə deyilib ki, güzəştli kateqoriyadan olan vətəndaşların əksəriyyətinin banklara borcu var və onlara banklara olan borcu ödəməkdə çətinlik çəkirlər. Bank isə onları məhkəməyə verib sosial müavinət hesabına həbs qoydururlar, dövlət tərəfindən verilən mənzillər əllərindən alınır. 

Şəhid ailələri və Qarabağ əlilləri onlara icbari sığorta məbləğinin ödənilməsi barəsində məhkəmə qərarlarının icra olunmamasından şikayətçidirlər və yaxın günlərdə bunu Ədliyyə nazirinin qəbulunda bildirəcəklər.

Tədbirdə çıxış edən şəxslər icbari sığorta məbləğinin ödənilməməsində Milli Məclisin və Maliyyə Nazirliyinin dövlət adına çıxan məhkəmə qərarlarının icra edilməsi istiqamətində tədbir görməməkdə ittiham etdilər. 

Hər deputatın dairəsində şəhid ailəsinin və Qarabağ əlilinin olduğunu nəzərə alan tədbirin təşkilatçılar tədbirə Milli Məclisin üzvlərini də dəvət etmişdilər. Amma onlar tədbirə gəlmədilər. 

Şəhid ailələri mənzil probleminin həll olunmadığından da narahat olduları vuğuladılar. 10 ildən artıqdır ki, Əmək və Əhalinin Sosial Müdafiəsi Nazirliyinin mənzil siyahısında olduğunu bildirdən şəhid ailələri mənzil almaq üçün bu qurumu məhkəməyə verəcəklərini də bildirdilər.

Tədbirdə çıxış edən hüquqşunaslar icbari sığorta məbləğinin alınması iddiası ilə şəhid ailələrinin 2015-ci ildən sonra məhkəməyə müraciətlərinin artdığını deyiblər. Hansı ki, həmin şəhidlər və Qarabağ əlillər 1992-1994-cü ildə Azərbaycanın ərazi bütövlüyü və suverenliyi uğurunda mübarizə aparıblar.  

Qeyd edək ki, “Hərbi qulluqçuların dövlət icbari şəxsi sığortası haqqında” qanunla Qarabağ müharibəsində şəhid olanların ailəsinə 11 min manat, Qarabağ əlillərinə isə əlilik dərəcələrindən asılı olaraq həmin məbləğin 80, 60 və 40 faizi həddində sığorta pulu ödənməlidir. Amma üstündən bu qədər vaxt keçməsinə baxmayaraq, şəhid ailələri və Qarabağ əlilləri bu məbləği ala bilmirlər. Hətta elə şəhid ailəsi, Qarabağ əlili var ki, əllərində bu vəsaitin sığorta şirkəti tərəfindən ödənməsi barədə məhkəmə qərarı da var. Di gəl ki, adı çəkilən şirkət bu vəsaiti ödəməkdən boyun qaçırır.