“Azərbaycan müstəqil dövlətdir, öz müstəqil siyasətini qurur, sülh siyasəti yürüdür. Bu baxımdan Azərbaycan-İsrail münasibətləri bütövlükdə regionda sülhün bərqərar olmasına xidmət edən amildir”.
Bunu Trend-ə Milli Məclisin deputatı, Azərbaycan-İsrail parlamentlərarası əlaqələr üzrə işçi qrupunun üzvü Bəxtiyar Əliyev deyib.
B.Əliyev vurğulayıb ki, Azərbaycanın İsrail ilə əməkdaşlığı bölgədə inkişafa, sülhə və əmin-amanlığa xidmət edir:
“Bu əməkdaşlıq qətiyyən üçüncü ölkələrə qarşı yönəlməyib. Əksinə, onlarla da qarşılıqlı əməkdaşlığa və iqtisadi inkişafa xidmət edən münasibətlər var. Azərbaycan-İsrail münasibətləri bundan sonra da yüksələn xətlə davam edəcək”.
İranda bir sıra siyasətçilərin İsrailin baş naziri Benyamin Netanyahunun Azərbaycana səfərindən narahatlıq ifadə etməsinə gəlincə, deputat vurğulayıb ki, ola bilsin, İranda Azərbaycan-İran münasibətlərindən qıcıqlanan bəzi qüvvələr var: “İran Azərbaycana dost ölkədir, ikitərəfli münasibətlər strateji əməkdaşlıq səviyyəsindədir. İranda bəzi qüvvələr Benyamin Netanyahunun Azərbaycana səfəri ilə bağlı qıcıqlandırıcı bəyanatlar səsləndirməklə Azərbaycan-İran münasibətlərini korlamaq istəyirlər”.
“Azərbaycan Rusiya ilə əlaqələrin inkişafından çox razıdır”. AZƏRTAC xəbər verir ki, bunu Azərbaycan Prezidenti İlham Əliyev Moskvada Rusiya Prezidenti Vladimir Putin ilə təkbətək görüşdə deyib. Azərbaycan dövlətinin başçısı vurğulayıb: “Biz əlaqələrimizin inkişafından çox razıyıq. Artıq iki ildən çoxdur ki, 2022-ci ilin fevralında burada - Kremldə imzaladığımız və əsas siyasi sənəd olan, gələcəkdə münasibətlərimizin ardıcıl inkişafını müəyyən edən müttəfiqlik qarşılıqlı fəaliyyəti haqqında Bəyannamə çərçivəsində işləyirik”.
“Rusiya rəhbərliyinin, hökumətinin və ictimaiyyətinin Heydər Əliyevin əziz xatirəsinə ehtiramını yüksək qiymətləndiririk”.
Aprelin 22-də Moskvada Azərbaycan Respublikasının Prezidenti İlham Əliyevin Rusiya Federasiyasının Prezidenti Vladimir Putin ilə təkbətək görüşü olub.
“Azərbaycan inkişaf və quruculuq yolu ilə inamla irəliləyir. Ölkə Prezidenti cənab İlham Əliyevin rayon və bölgələrə etdiyi mütəmadi səfərlər görülən işlərin dövlətin diqqət mərkəzində olduğundan xəbər verir və eyni zamanda da bu işlərin yüksək səmərəlilik və keyfiyyət göstəricilərinə uyğun həyata keçirilməsi üçün ən güclü stimul rolunu oynayır. Dövlət başçısının hər belə səfəri regional və ölkə əhəmiyyətli obyektlərin açılış və ya təməlqoyma mərasimləri ilə müşayiət olunur. O cümlədən aprelin 16-da Hacıqabul rayonuna səfəri çərçivəsində cənab Prezidenti İlham Əliyev yenidən qurulacaq Şirvan suvarma kanalının təməlini qoyub”.
