Danimarka İŞİD-ə qarşı mübarizə aparmaq üçün xüsusi təyinatlı qrup göndərəcək

Danimarka İŞİD-ə qarşı mübarizə aparmaq üçün xüsusi təyinatlı qrup göndərəcək
21 2017 15:24

Danimarka İŞİD-ə qarşı mübarizə aparmaq üçün İraq və Suriyaya 60 hərbi qulluqçudan ibarət xüsusi təyinatlı qrup göndərəcək.

AZƏRTAC xəbər verir ki, bu barədə məlumatı yerli KİV-lər Danimarkanın xarici işlər naziri Anders Samuelsenin bəyanatına istinadla yayıblar.

Bu barədə qərar Danimarkanı İŞİD-ə qarşı mübarizə koalisiyasında öz iştirakını gücləndirməyə çağıran ABŞ-ın tələbinə cavab olaraq Krallığın parlamentində səsvermə yolu ilə qəbul edilib.

Parlamentin qərarına əsasən, Danimarka genişləndirilmiş hərbi mandat çərçivəsində 60 xüsusi təyinatlı hərbi qulluqçudan ibarət qrupu, həmçinin ABŞ-ın təyyarədaşıyan gəmilərini müşayiət edəcək “Peter Willemoes” gəmisini İraq və Suriya regionuna göndərəcək. Qoşunların hərbi əməliyyatlar zonasına göndərilməsinin dəqiq vaxtı açıqlanmır.

Anders Samuelsen jurnalistlərə müsahibəsində bildirib ki, Danimarka hərbçiləri bilavasitə İraqla sərhədin yaxınlığında xidmət edəcəklər. A. Samuelsen əlavə edib ki, parlament əksəriyyətinin bu qərarı dəstəkləməsi onu sevindirir.

Yerli jurnalistlərin fikrincə, digər NATO ölkələri kimi, Danimarka da ABŞ-ın yeni seçilmiş Prezidenti Donald Trampın təzyiqi altındadır. D.Tramp alyansın iştirakçıları olan ölkələrdən İŞİD-ə qarşı mübarizə üzrə beynəlxalq koalisiyaya daha sanballı töhfə verməyi tələb edir. Danimarka bu koalisiyaya 2014-cü ilin oktyabrında qoşulub.

Qeyd edək ki, Danimarka 2016-cı ilin aprelində İraqa 120 hərbi qulluqçu göndərib. Hazırda Bağdad yaxınlığındakı Əl-Əsəd aviasiya bazasında yerləşən qrup İraq əsgərlərinə və kürd silahlılarına təlimlər keçir. O zaman Danimarka hökuməti ölkənin hərbi qulluqçularının Suriyada xidmət etməsi ilə bağlı parlamentlə siyasi razılaşma əldə edə bilməmişdi. Ancaq bu dəfə Danimarka parlamenti həmin ideyanı dəstəklədi.


18 Sent 2020
Dünya

ABŞ Çinlə rəqabət üçün 350 milyard xərcləyə bilər

ABŞ Demokratik Partiyası ölkə Senatında iqtisadiyyatın Çinə qarşı dura bilmək üçün möhkəmləndirilməsinə 350 milyard dollar ayrılması nəzərdə tutulan qanun layihəsi təqdim edib.

18 Sent 2020
Dünya

Yaponiyada rəqəmsal islahatlar üzrə nazirlik yaradılır

Yaponiyada 2021-ci ilin payızında rəqəmsal islahatlar üzrə yeni nazirlik yaradılacaq.

18 Sent 2020
Dünya

Qonşu ölkədə koronavirusa rekord yoluxma

Son bir gün ərzində Rusiyada 5 905 nəfərdə koronavirus aşkarlanıb.

18 Sent 2020
Dünya

Belarusda koronavirusa yoluxanların sayı 75 mini ötüb

Belarusda koronavirusa yoluxanların sayı 75 min 230 nəfərdir.

18 Sent 2020
Dünya

İldırım vurması nəticəsində bir ailənin altı üzvü həlak oldu

Kambocanın Battambanq şəhərində yaşayış evinə ildırım düşməsi nəticəsində bir ailənin altı üzvü həlak olub, daha dörd nəfər ağır yaralanıb.