DYP: Bakıda taksilərin avtobus dayanacaqlarını zəbt etməsi ciddi narahatlıq doğurur

DYP: Bakıda taksilərin avtobus dayanacaqlarını zəbt etməsi ciddi narahatlıq doğurur
24 2017 10:32

Bakıda taksilərin avtobus dayanacaqlarını zəbt etməsi ciddi narahatlıq doğurur. Bunu Trend-ə Bakı Şəhər Baş Polis İdarəsinin Dövlət Yol Polisi İdarəsinin ictimai qurumlarla əlaqə bölməsinin rəisi, polis polkovniki Vaqif Əsədov deyib.

V.Əsədov bildirib ki, yol polisi bununla bağlı mütəmadi tədbirlər həyata keçirir və qanunların tələblərinin yerinə yetirilməsinə nəzarət mütəmadi olaraq gücləndirilir. Onun sözlərinə görə, yol polisi tərəfindən həyata keçirilən tədbirlər nəticəsində 2016-cı ilin göstəricilərində bu istiqamətdə müsbət dinamika müşahidə edilir:

“2016-cı ilin göstəricilərinə nəzər yetirdikdə görünür ki, dayanma-durma ilə bağlı göstəricilərdə müsbətə doğru dinamika müşahidə edilir. Bu göstəricilərin əldə edilməsi yol polisinin mütəmadi həyata keçirdiyi tədbirlərlə əlaqədardır. Bu fəaliyyətin nəticəsində yol qəzalarının, o cümlədən, ölüm və xəsarət faktlarının sayı azalıb. Yol polisinin məqsədli şəkildə həyata keçirdiyi tədbirlərlə yanaşı, təbliğat işlərinin də doğru aparılması bu göstəriciləri əldə etməyə imkan verir”.

Bölmə rəisi qeyd edib ki, Milli Məclisin payız sessiyasında taksilərin xüsusi olaraq müəyyən edilmiş və 5.14 nişanı ilə işarələnmiş duracaq yerlərindən kənar yerlərdə sifariş qəbul etmək məqsədilə durması ilə bağlı cərimə sanksiyalarının tətbiq edilməsi nizam-intizamı daha da artıracaq:

“Bu düzəliş zamanın tələbinə uyğundur və hesab edirəm ki, nizam-intizamın təmin edilməsində müstəsna rolu olacaq".

Bölmə rəisi vurğulayıb ki, yol polisi bu istiqamətdə mütəmadi xidməti həyata keçirir:

“Bakı şəhər üzrə dayanma-durma, parklanma vacib məsələdir və bu sahə üzrə xeyli təbliğat aparılmalıdır. Lakin yalnız yol polisinin tədbirlər həyata keçirməsi kifayət etmir. Hər kəs “Yol hərəkəti haqqında” qanunu öyrənməli, tələbləri yerinə yetirməyi bacarmalı və ən azından öz təhlükəsizliyini təmin etmək vərdişinə yiyənlənməlidir”.


28 Mar 2024
Cəmiyyət

Sumqayıtda avtomobil yollarının təmirinə başlanılıb

Azərbaycan Avtomobil Yolları Dövlət Agentliyi Sumqayıt şəhərində avtomobil yollarının əsaslı təmiri ilə bağlı ölkə Prezidentinin Sərəncamına əsasən genişmiqyaslı təmir-tikinti işlərinə başlayıb.

28 Mar 2024
Cəmiyyət

Dövlət İmtahan Mərkəzi auditor seçir

Dövlət İmtahan Mərkəzi (DİM) 2023-2024-cü illər üzrə maliyyə hesabatlarının auditi üçün kotirovka sorğusu elan edib.

28 Mar 2024
Cəmiyyət

Sabah 20° isti olacaq

Mart 29-na gözlənilən hava proqnozu açıqlanıb.

28 Mar 2024
Cəmiyyət

Bu gecə ehtimal edilən ilk Qədr gecəsidir

Bu gecə Azərbaycanda Ramazan ayının ehtimal edilən ilk Qədr (əhya) gecəsidir.

28 Mar 2024
Cəmiyyət

Nazir: “Strateji sahələrin təmsilçilərinə təbriklərimizi çatdırırıq” - FOTO

İqtisadiyyat naziri Mikayıl Cabbarov Azərbaycan Respublikasının dövlət təhlükəsizliyi və xarici kəşfiyyat orqanları əməkdaşlarının peşə bayramları münasibəti ilə təbrik edib.