Dövlət İmtahan Mərkəzinin (DİM) açıqladığı 2017-ci ildə keçiriləcək imtahanların qrafiki abituriyentlərin narazılığına səbəb olub.
REALPRESS.Az “Qafqazinfo”-ya istinadən xəbər verir ki, narazılıqların əsas səbəbi sınaq imtahanlarının ali təhsil müəssisələrinə birinci qəbul imtahanından sonra keçirilməsidir.
Belə ki, hər il DİM (əvvəlki adı TQDK - red.) tərəfindən qəbul imtahanına hazırlıq üçün keçirilən sınaq imtahanları bu dəfə ali təhsil müəssisələrinə birinci qəbul imtahanından sonra baş tutacaq:
Təhsil üzrə ekspert Kamran Əsədov da imtahan qrafikində uyğunsuzluq olduğunu bildirib:
“Bildiyiniz kimi, hər il DİM ali təhsil müəssisələrinə qəbul olmaq istəyən abituriyentlərin imtahanlara daha səmərəli hazırlaşmalarına kömək məqsədi ilə sınaq imtahanı keçirir. Lakin bu il keçriləcək sınaq imtahanları (27.05.17; 11.06.17) birinci keçiriləcək qəbul imtahanından sonraya düşür (aprel-may). Belə çıxır ki, toydan sonra nağara? Abituriyent ilk növbədə sınaq imtahanında özünü yoxlamalıdır, sonra qəbul imtahanında iştirak etməlidir”.
Ekspert onu da qeyd edib ki, daha bir uyğunsuzluq rus bölməsinin abituriyentlərinin Azərbaycan dili imtahanında nəzərə çarpır. Belə ki, Azərbaycan dili üzrə keçiriləcək imtahan tarixi ikinci imtahan tarixi (11.06.17) üst-üstə düşür.
Birinci Qarabağ müharibəsində itkin düşən, 31 il sonra meyitinin qalıqları Şuşanın Daşaltı kəndində tapılan şəhid Veysəl Qasımovla vida mərasimi keçirilir.
Hər il oktyabrın 4-ü bütün dünyada Ümumdünya Heyvanların Mühafizəsi Günü kimi qeyd olunur.
Azərbaycan üçün böyük əhəmiyyətə malik olan Horadiz-Cəbrayıl-Zəngilan-Ağbənd avtomobil yolunun 80 %-i tamamlanıb.
