Çətin həyat şəraitində yaşayan şəxslərə pulsuz hüquqi yardım xidməti göstəriləcək

Çətin həyat şəraitində yaşayan şəxslərə pulsuz hüquqi yardım xidməti göstəriləcək
05 2017 12:30

“Sosial hüquqların araşdırılması” İctimai Birliyi (SHAİB) Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Şurasının ayırdığı vəsaitlə ilə “Əhalinin həssas təbəqələrinin sosial hüquqlarının müdafiəsi sahəsində maarifləndirmə və hüquqi yardım xidmətlərinin göstərilməsi” layihəsinin icrasına başlayıb.

İctimai Birlikdən AZƏRTAC-a bildiriblər ki, layihənin əsas məqsədi əhalinin həssas təbəqələrinə, eləcə də işsiz gənclərin, aztəminatlı ailələrin, cəzaçəkmə yerlərindən azad olunmuş şəxslərin, təhsildən kənarda qalmış qadınların, ahılların, iş tapmaqda çətinlik çəkənlərin sosial hüquqlarla (əmək, tibb, sosial təminat, ailə, təhsil və s.) bağlı məlumatlandırılması və onlara pulsuz hüquqi yardım xidmətlərinin göstərilməsi, pozulmuş hüquqlarının inzibati və məhkəmə qaydasında müdafiəsindən ibarətdir.

Layihə çərçivəsində sosial məsələlər üzrə hüquq klinikasının fəaliyyətinin təmin edilməsi və genişləndirilməsi, sosial qanunvericiliyin CD formatında hazırlanması və əhalinin həssas təbəqələrinə paylanması, Bakıda və regionlarda təlimlərin və ictimai müzakirələrin təşkili nəzərdə tutulur. Həmçinin Bakıda və regionlarda pulsuz hüquqi xidmətlərin göstərilməsi, sosial qanunvericiliyin təkmilləşdirilməsinə dair tövsiyələrin Milli Məclisə və sosial müdafiə orqanlarına təqdim olunması işləri də planlaşdırılır.

Sosial məsələlər üzrə hüquq klinikasına əhalinin həssas təbəqələri mayın 1-dən etibarən müraciət edə bilərlər.


21 İyun 2024
Cəmiyyət

Azərbaycanda əmi, xala, bibi və dayı uşaqlarının evliliyini qadağan edən layihə I oxunuşda təsdiqlənib

Azərbaycanda əmi, xala, bibi və dayı uşaqlarının evliliyini qadağan edən layihə I oxunuşda təsdiqlənib.

21 İyun 2024
Cəmiyyət

Abşeronda xeyli silah-sursat tapılıb

Abşeron rayonunun Saray və Masazır qəsəbələri ərazisində xeyli silah-sursat tapılıb.

21 İyun 2024
Cəmiyyət

Bu gün Abbasqulu ağa Bakıxanovun doğum günüdür

Bu gün Azərbaycanın ilk tarixçisi, tarix elminin əsasını qoyan görkəmli şəxsiyyət Abbasqulu ağa Bakıxanovun anadan olduğu gündür.

21 İyun 2024
Cəmiyyət

Sabahın hava proqnozu açıqlanıb

Bakıda və Abşeron yarımadasında bəzi yerlərdə arabir yağış yağacağı gözlənilir. Yarımadanın bəzi yerlərində qısamüddətli leysan xarakterli olacağı, şimşək çaxacağı ehtimalı var. Şimal-qərb küləyi gündüz şimal-şərq küləyi ilə əvəz olunacaq.

21 İyun 2024
Cəmiyyət

Çimərlik Badmintonu üzrə qaliblər bəlli oldu - FOTO/VİDEO

Bakıda Çimərlik Badmintonu (Air Badminton) üzrə yarış keçirilib.