Buzadırmanma üzrə Açıq Azərbaycan Çempionatı başa çatıb

Buzadırmanma üzrə Açıq Azərbaycan Çempionatı başa çatıb
06 2017 13:34

Azərbaycan Dağçılıq və Ekstremal İdman Növləri Federasiyaları Assosiasiyasının (ADEİNFA), Azərbaycan Hava və Ekstremal İdman Növləri Federasiyasının (FAİREX) təşkilatçılığı və Azərbaycan Respublikası Gənclər və İdman Nazirliyinin dəstəyi ilə Qusar rayonunun Ləzə kəndi yaxınlığındakı donmuş şəlalələrdə 4-5 fevral tarixlərində keçirilən 10-cu Buzadırmanma üzrə Açıq Azərbaycan Çempionatı uğurla başa çatıb.

Azərbaycan Hava və Ekstremal İdman Növləri Federasiyasının mətbuat xidmətindən Trend-ə verilən məlumata görə, yüksək səviyyədə təşkil olunan buzadırmanma üzrə açıq Azərbaycan çempionatında Gənclər və İdman nazirinin müavini İsmayıl İsmayılov və FAİREX-in prezidenti, Ekologiya və Təbii Sərvətlər nazirinin müavini Firdovsi Əliyev iştirak ediblər.

İki gün davam edən yarış oğlanlar və qızlar arasında keçirilib. Gənclərin böyük maraq göstərdiyi çempionatda idmançılar qarşılarına qoyduqları məqsədə müvəffəq olmaq üçün qətiyyət, məharət və ustalıq nümayiş etdiriblər.

Qeyd edək ki, çətinlik mərhələsi üzrə təsnifat-seçim yarışını müvəffəqiyyətlə keçən idmançılar növbəti yarımfinal mərhələsinə vəsiqə qazanıblar. Daha sonra çempionat final mərhələsi ilə davam edib.

Yarışın sonunda qaliblərə Gənclər və İdman Nazirliyinin diplomu və Azərbaycan Hava və Ekstremal İdman Növləri Federasiyasının kubok və medalları təqdim olunub. Ümumilikdə bu qəbildən olan yarışların keçirilməsi dağçılıq idman növləri üzrə beynəlxalq arenalarda Azərbaycan Respublikasını təmsil edəcək Milli Komandanın formalaşmasına xidmət edir.

Çempionatın nəticələri:

Çətinlik növü üzrə yarışan oğlanların nəticələri:

Rinat Rəhimxanov – Qafqaz İdman Klubu
Qalib Şıxrəhimov – Ləzə İdman Klubu
Ramay Rəhimxanov – Qafqaz İdman Klubu

Çətinlik növü üzrə yarışan qızların nəticələri:

Leyla Əhmədova – Qafqaz İdman Klubu
Nigar Mərdanova – Kyanite İdman Klubu
Fidan Novruzova – Qərb Universiteti İdman Klubu

Sürət Növü üzrə yarışan oğlanların nəticələri:

Şıxrəhimov Qalib – Ləzə İdman Klubu
Rəhimxanov Rinat – Qafqaz İdman Klubu
İsrafilov İlham – Salavat İdman Klubu

Komanda hesabında qazanılan kubokların sahibləri:

“Qafqaz” İdman Klubu
“Zirvə” İdman Klubu
“FHN” İdman Klubu


11 Yan 2023
İdman

Qadın boksçularımız Serbiyada keçiriləcək beynəlxalq turnirdə iştirak edəcəklər

“Yanvarın 17-də Serbiyada 4 yaş qrupu üzrə beynəlxalq turnir başlayacaq. Yarışda 45-dək ölkənin iştirakı gözlənilir”.

6 Yan 2023
İdman

Voleybol üzrə Azərbaycan çempionatında növbəti oyunların vaxtı açıqlanıb

Kişi və qadın voleybolçular arasında Azərbaycan çempionatlarında növbəti oyunların vaxtı dəqiqləşib.

29 Dek 2022
İdman

Azərbaycan boksçuları 2022-ci ildə 77 medal qazanıb

Bu il Azərbaycan boksçuları müxtəlif yaş qruplarında 77 medal qazanıblar.

29 Dek 2022
İdman

Nəriman Abbasovun növbəti döyüşünün vaxtı bilindi - VİDEO

Azərbaycanın MMA döyüşçüsü Nəriman Abbasovun növbəti döyüşünün vaxtı bilinib.

29 Dek 2022
İdman

Dünya çempionatı: Azərbaycan şahmatçıları blits növündə mübarizəyə başlayırlar

Qazaxıstanın Almatı şəhərində keçirilən şahmat üzrə dünya çempionatında bu gün blits yarışlarına start veriləcək.