Buraxılış imtahanlarının 1-ci mərhələsində mənfi qiymət alanlar 2-ci mərhələyə də buraxılacaq

Buraxılış imtahanlarının 1-ci mərhələsində mənfi qiymət alanlar 2-ci mərhələyə də buraxılacaq
14 Dek 2016 11:41

Bu il 9-cu sinif üzrə buraxılış imtahanlarının 1-ci mərhələsində mənfi qiymət alan şagirdlər 2-ci mərhələyə də buraxılacaqlar.

Trend-in məlumatına görə, bunu Dövlət İmtahan Mərkəzinin (DİM) Direktorlar Şurasının sədri Məleykə Abbaszadə “Ümumi təhsil pilləsində təhsilalanların yekun qiymətləndirilməsinin (attestasiyasının) aparılması qaydaları”nın təsdiq edilməsi ilə əlaqədar keçirdiyi brifinqdə deyib.

M.Abbaszadə əlavə edib ki, 2016-2017-ci tədris ilində ümumi orta təhsil səviyyəsi üzrə yeni təhsil proqramları (kurikulumları) üzrə təhsilalanların biliyinin yekun qiymətləndirilməsi (attestasiyası) yeni qaydalar əsasında həyata keçiriləcək. IX sinif üzrə buraxılış imtahanı DİM tərəfindən mərkəzləşdirilmiş qaydada ana dili (Azərbaycan bölməsinin şagirdləri üçün - Azərbaycan dili, rus bölməsinin şagirdləri üçün - rus dili) və riyaziyyat fənlərindən iki mərhələdə təşkil olunacaq.

M.Abbaszadə qeyd edib ki, birinci mərhələdə şagirdlərə ana dili (Azərbaycan və ya rus dili) fənnindən oxuyub-anlama və yazı bacarıqlarını yoxlamaq məqsədilə 2 mətn əsasında 10 açıq, 10 qapalı, riyaziyyat fənnindən riyazi bacarıqları yoxlamaq məqsədilə 10 açıq, ümumilikdə 30 test tapşırığı təqdim ediləcək. Bundan əlavə, şagirdlər birinci mərhələdə təqdim edilmiş mövzu üzrə könüllülük əsasında inşa (esse) yazacaqlar. Ümumi orta təhsil haqqında fərqlənmə sənədi almaq üçün inşanın (essesin) qiyməti nəzərə alınacaq. İkinci mərhələdə digər məzmun standartları üzrə bilik və bacarıqları yoxlamaq məqsədilə hər bir fənn üzrə 30, ümumilikdə 60 qapalı tipli test tapşırığı təqdim ediləcək.

Azərbaycan və rus dilləri istisna olmaqla, tədris digər dillərdə aparılan ümumi təhsil müəssisələrində təhsil alan şagirdlər ümumi orta təhsil səviyyəsi üzrə buraxılış imtahanını yalnız riyaziyyat fənnindən verəcəklər. Onlara birinci mərhələdə 10 açıq, ikinci mərhələdə 30 qapalı test tapşırığı təqdim ediləcək.

Birinci mərhələnin 2017-ci ilin fevral və mart aylarında, ikinci mərhələnin isə iyun ayında keçirilməsi nəzərdə tutulur.

M.Abbaszadə bildirib ki, bu il 9-cu sinifdə oxuyan şagirdlər kurrikulumla təhsil aldıqlarından onların biliyi yeni formada qiymətləndirilməli idi: "2013-cü ildən başlayaraq, orta məktəblərdə 5-8-ci sinif şagirdləri arasında monitorinq imtahanları keçirilib. Bu imtahanların nəticələrinə əsasən, yazı işlərinin yoxlanılması prosesini həyata keçirmək üçün yeni qiymətləndirmə mexanizmi işlənib hazırlanıb. Qəbul edilən yeni mexanizm yeni bir metod olaraq, 4 ildir ki, respublikada qiymətləndirilmə sahəsində tətbiq edilir".

M.Abbaszadənin sözlərinə görə, Azərbaycanda bu ildən başlayaraq, buraxılış imtahanlarına hazırlaşan IX sinif şagirdləri üçün də sınaq imtahanları keçiriləcək.

Artıq IX sinif buraxılış imtahanlarının I mərhələsinə dair sınaq imtahanlarına yazılış başlanılıb. Şagirdlər imtahan.az saytında qeydiyyatdan keçərək sınaq imtahanlarında iştirak edə bilərlər.


9 Apr 2024
Cəmiyyət

Malıbəyli və Turşsu qəsəbələri yenidən salınır - VİDEO

İctimai TV Xocalı rayonunun Malıbəyli kəndi və Şuşa rayonunun Turşsu qəsəbələrinin yenidən salınması ilə bağlı görüntülər yayımlayıb.

9 Apr 2024
Cəmiyyət

Aprelin 14-də 34 mindən çox abituriyent imtahan verəcək

Dövlət İmtahan Mərkəzi (DİM) aprelin 14-də növbəti imtahan keçirəcək.

9 Apr 2024
Cəmiyyət

Azərbaycanda qeyri neft-qaz sənayesi istehsalı 8 % artıb

Bu ilin yanvar-mart aylarında Azərbaycandakı sənaye müəssisələri və bu sahədə fəaliyyət göstərən fərdi sahibkarlar 15,7 milyard manatlıq sənaye məhsulu istehsal edib.

9 Apr 2024
Cəmiyyət

Zakir Həsənov Azərbaycan Ordusunun şəxsi heyətini təbrik edib

Möhtərəm Prezident, cənab Ali Baş Komandanın 28 dekabr 2011-ci il tarixli “Azərbaycan Respublikası Silahlı Qüvvələrinin hərbi qulluqçularının sosial müdafiəsinin gücləndirilməsi tədbirləri barədə” Fərmanının icrasının təmin edilməsi məqsədilə 20 təqvim ili və daha çox qüsursuz xidmət etmiş hərbi qulluqçulara daimi mənzillərin verilməsi şəxsi heyətdə böyük ruh yüksəkliyi yaratmışdır.

9 Apr 2024
Cəmiyyət

Sabahdan Ramazan tətili başlayır

Sabahdan müsəlman aləmi üçün müqəddəs sayılan Ramazan bayramı günləri başlayır.