Bundan sonra həkimlər göstərdiyi xidmətə uyğun maaş alacaq

Bundan sonra həkimlər göstərdiyi xidmətə uyğun maaş alacaq
31 2017 09:03

“Fevral ayından xəstəxanalara maliyyələşməni göstərdiyi xidmətə görə verəcəyik. Yəni, bir həkimə nə qədər xəstə müraciəti olacaqsa, ona uyğun əmək haqqı formalaşacaq”.

REALPRESS.Az Report-a istinadən xəbər verir ki, bunu Nazirlər Kabineti yanında İcbari Tibbi Sığorta üzrə Dövlət Agentliyinin direktoru Zaur Əliyev deyib.

Direktorun sözlərinə görə, bu halda həkimin daha yaxşı xidmət göstərməyə marağı olacaq: “Belə olan halda da onun xəstəsi çox olacaq və bu da öz növbəsində onun maliyyələşməsinə təsir edəcək”.

İcbari tibbi sığortanın kontrol mexanizmlərinin olacağına diqqət çəkən Z.Əliyev misal çəkib ki, vətəndaş hər hansı səbəbdən həkimdən narazı qalarsa Agentlik bu məsələni araşdıracaq: “Araşdırmanın yekununda görsək ki, həkim xəstəyə ehtiyacı olmayan xidmətlər göstərib, yaxud hansısa keyfiyyətdə qüsur olub, onda həkimin göstərdiyi xidmətə görə maliyyələşməni verməyəcəyik. Yaxud da həkimi cərimə edəcəyik. Bunun da bir neçə yolu olacaq. Bu səbəbdən də həkimin marağı olacaq ki, ilk növbədə xəstəyə lazım olmayan xidmətlər göstərməsin. Eyni zamanda, xidmətini daha keyfiyyətli formada göstərsin ki, sabah onun maliyyələşməsində hansısa problem olmasın. Bir çox metodlar da olacaq ki, biz əsas keyfiyyət üzərində dayanacağıq. Əsas hədəfimiz odur ki, həkim elə xidmət göstərməlidir ki, xəstə ikinci dəfə həkimə müraciət etməsin”.

Agentlik direktoru həmçinin, ölkədə icbari tibbi sığortanın tədbiqinin müalicə üçün xaricə üz tutan insanların sayına təsir edib-etməyəcəyi məsələsinə də münasibət bildirib: “İlk növbədə araşdırmalar aparmaq lazımdır ki, bunun əsas səbəbi nədən qaynaqlanır və bundan sonra hansı addımlar atıla bilərik. Hesab edirəm ki, bu sistem tədbiq olunandan sonra xaricə gedən vətəndaşların sayı azalacaq. Yox, əgər vətəndaş imkanlıdırsa və müalicə üçün xarici ölkəyə üz tutursa, o zaman bunun qarşısını ala bilmərik. Heç qarşısını almağa da ehtiyac yoxdur. Çünki bu, vətəndaşın sərbəst seçimidir. Gələcəkdə Agentliyin imkanları daha yaxşı olarsa, hətta biz maliyyə vəsaiti ayıraraq bəzi xəstələri Azərbaycanda olmayan xidmətləri əvəz etmək üçün xaricə müalicəyə göndərə bilək”.

O, həm də əlavə edib ki, uşaqlar, işləməyən əlil və təqaüdçülər, eləcə də tələbələrin sığorta haqqı dövlət tərfindən ödəniləcək və onlar sığortaçı sayılacaq: “2017-ci ilin iyun-iyul aylarında bütün ölkə üzrə bu sistemin tədbiq olunacağı barədə yekun qərar verə biləcəyik”.

Xatırladaq ki, bu il yanvarın 1-dən Azərbaycanda ilk dəfə icbari tibbi sığorta sisteminin tətbiqinə başlanılıb. Sistem ilkin olaraq, Yevlax və Mingəçevirdə həyata keçirilir. Mingəçevir şəhərinin və Yevlax rayonundakı dövlət səhiyyə sisteminə daxil olan qurumlar (Məhkəmə Tibbi Ekspertiza və Patoloji Anatomiya Birliyinin şöbələri, sanitariya və epidemioloji xidmət, əczaçılıq və tibbi təhsil müəssisələri, habelə psixonevroloji və narkoloji dispanserlər istisna olmaqla) Nazirlər Kabineti yanında İcbari Sığorta üzrə Dövlət Agentliyinin tabeliyində fəaliyyət göstərirlər.


25 İyun 2022
Cəmiyyət

Türkiyə Azərbaycana kərə yağı ixracını 34 dəfə artırıb

Bu ilin ilk dörd ayında Azərbaycan xaricdən 37,165 milyon ABŞ dolları dəyərində 6 min 848 ton kərə yağı alıb.

25 İyun 2022
Cəmiyyət

Bakıdan Füzuliyə yola düşən ilk müntəzəm sərnişin avtobusu mənzil başına çatıb - YENİLƏNİB + FOTO

Bakı-Füzuli istiqamətində yola düşən ilk müntəzəm sərnişin avtobusu mənzil başına çatıb.

25 İyun 2022
Cəmiyyət

Hərbi xidmətə çağırılanların NƏZƏRİNƏ

Azərbaycan Respublikasında 2022-ci ilin iyul ayında müddətli həqiqi hərbi xidmətə göndəriləcək çağırışçılar Silahlı Qüvvələr üzrə xidmət yerlərinə təyinatla bağlı Səfərbərlik və Hərbi Xidmətə Çağırış üzrə Dövlət Xidməti (SHXÇDX) tərəfindən iyunun 25-də SMS vasitəsilə məlumatlandırılıblar.

25 İyun 2022
Cəmiyyət

Sabah yağış yağacaq, şimşək çaxacaq

Azərbaycan ərazisində iyunun 26-da gözlənilən hava şəraiti haqda proqnoz açıqlanıb.

25 İyun 2022
Cəmiyyət

“Qarabağ” bu gün Rumıniya klubu ilə oynayacaq

Azərbaycan çempionu “Qarabağ” bu gün təlim-məşq toplanışında olduğu Avstriyada ilk yoxlama oyununu keçirəcək.